فوق هام السحب ( الشعر الشعبي) على متن القوافي

أكتب غزل واكتب فراق ومعأناه
وأنا ترى خالي ولا لـي حبيب

بقلمي

‏عن عيون الناس تسترني ثيابي
وكل حيّ ٍ غير ربي مارجيته
ٰ
ويوم شفت إن الكفن ماله مخابي
كل مايطري على بالي شريته

.....

‏كن المساء فـي طلتك يكتمل ذوق
‏الله على ذوق المساء في حضورك

‏ياللي عليك الشعر ميت من الشوق
‏ماتدري ان النور يازين نورك

.....

ماشفت مثلك بالبشر حد ثاني
انت الوحيد اللي تحلي سنـيني

اشتاق لك واكتب شعوري اماني
وارسل لك احسـاسي ولهفه حـنيني

وادورك والقاك بين المحاني
بوسط قلبي منزلك ياضنيني

.....

ياللي معاهدني على الحب والطيب
‏اسعدتني والقلب زاد انشراحه

‏لا شفت مرسالك تزيد التراحيب
‏وانسى الدوا والقلب ينسى جراحه

‏معك معك ولو ملا راسي الشيب
‏هذي الصراحه لابغيت الصراحه

‏أوعدك ياروحي وانا ما اعلم الغيب
‏القلب بيتك والعيون استراحه

.....

‏الناس تعشق كلهم حسب الاذواق
ونا عشقتك عشق حسب ذوقي

يا ما رسمتك شمس تشرق بالافاق
وشتاق إلك يغلا غرام ابخفوقي

ياموطني لك حب يسكن بالاعماق
يغلا قصيدي في عذوبة طروقي

.....

ياتاركيني بين همي والافكار
روح المعنى في هواكم أسيره

لاتجعلوني شارد الفكر محتار
لاعاد بصر فيني ولا عاد بصيره

مليت وانا اعزف على نفس الاوتار
وانتو تجافوني بنفس الوتيره

جفت بحور الشعر وانا اكتب أشعار
قلت او عسى قلبك يصحي ضميره

.....

كتاب حبك والعناوين عندي
واخر ضهور الحب والشوق عندك

انا معك والروح حارس وجندي
لك طول ما قلبي معلق بيدك

غالي وحبك داخل القلب معدي
منقول من فكرك وداخل وريدك

حتى وصل فكري وداخل وريدي
واشتق نفسي في تواصل بريدك

.....

‏يسوقني شوقي لصوتك واسوقه
ماغير صوتك يشرح الصدر لاضاق

مثل العسل صوتك دواء للي يذوقه
يطفي لواهيب الحنايا والاعماق

يامن سرق قلبي وعيني بذوقه
ماتدرى ان الشوق جمر وحراق

.....

‏ياكثر مامرت على عيوني عيون
تمرني وأسأل عليك إنت وينك

ماهمني لو بالثواني يمرون
تكفي عن عيون المخاليق عينك

.....