فوق هام السحب ( الشعر الشعبي) على متن القوافي

‏الله يسعد لي مسااك ودنياك
‏وجعل الفرح يبقى ويملا حياتك

‏حتى المساء اللي اعيشه بلياك
‏صرت أتنفس فيه من ذكرياتك

.....

‏الله من قلب المفارق ليا اشتاق
لاجاه نص الليل في الشوق غارق

كم قد سمعنا في قصص ناس عشاق
هذا لقي خله وهاذا مفارق

وانا على وموج المحبه ولشواق
قد صرت في حبه متيم وعاشق

خلن له الميزات راقي وذواق
حالي وبسماته كما البرق بارق

.....

ماكل حي تفقده جاك مشتاق
وما كل مخلـوقٍ لقى ما تمنى

عند الله المعبود توزيع الارزاق
كل ٍيجيه الرزق لو ما تعنى

.....

‏من راقب الناس شاف الهم والحسْره
ضاعت حياته وهو مشغول في غيره

دايم ونفسه من التفكير منْكسره
الناس تسْعد وهو مازال في حيره

عزالله أنه خذاه أبليس في أسْره
ماقدر اللي عطاه الله من خيره

.....

قدام ياخاين انا وانت قدام
ونشوف من ترسي عليه الهزايم

بيتن على بالي تردد من العام
دايم وانا ضايق اردده دايم

بين الخيال وبين تحقيق الاحلام
لقيت لي حظٍ على طول نايم

حاولت فيه ايام واشهور واعوام
لاهو مفطرني ولاهو بصايم

الحظ لامنه تردى ولا قام
تبي تشوف من الظلايم ظلايم

.....

اللي طعني قبل مده عطاني قفاه
وحاولت اجازيه عن طعنه وعيّت يدي

جزاه ماهوب عندي عند ربه جزاه
ماهوب من زود طيبي بس ماني ردي

.....

ان تكدر خاطرك ازعل على هون
لا تفجر بالخصومه والسفاله

منت نبي معصوم ولا هو بفرعون
ترى الفجور يهد كل جماله

.....

فمان الله ياحبٍ تغلغل في حنايا الزور
فمان الله يا اغلا من نسم صدري وشرياني

.....

سبحان من خلاك بالامس غالي
ونرضا من اجلك الشقا والمضره

امس قريب ما تفارق خيالي
واليوم ماتطري على البال مره

.....

أحبـك لو يموت الحب وتصير القلوب قبور
و أنا مهما منحتك من غلاي أشعر بتقصيري

أحبك من هنا حتى طلوع الفجر حتى النور
صحيح انك قدر محتوم بس أجمل مقاديري

.....