فوق هام السحب ( الشعر الشعبي) على متن القوافي

‏خلّك مع نظاف النفوس البسيطين
اللي ما تربطهم معاك استفادة

الطاهرين الطيّبين النقيّين
ما لك مع أصحاب السعادة سعادة


مشعل الزعبي

الله يمحق بارد الوجه والحيل
في كل مجلس بالنميمة مساهم

خبلٍ عجز يلحق فعول الرياجيل
وقام يتردى بالحكي في قفاهم


عمران الزراقي

‏سلام الله على الصدر الوسيع ودامح الزلات
مخيب ظن نقال الهروج وراعي الفتنه

تقول مركبٍ بذنه جهازٍ لانكر الأصوات
يعرف الهرجة اللي طالعة من جيفةٍ نتنه

إليا جته العلوم التافهه راحت تقل ما جات
وإذا جته الحمول الكايده عرض لها متنه


عبدالله بن عون

‏ترى الردي لو تدفنه بالمعاريف
لاغاب عن عينك ليالي نساها

ولا جاء لزومك ما لقيته ولا شيف
ما بان به طيب الرجال وعطاها


الهاب بدر

‏من قال قل المال عوق الرياجيل
قولوله ان المال تبت يدينه

العوق والله طيحته في يدبخيل
ولا الكريم معان والله معينه


جزل العتيبي

لا بارو الاصحاب في وتردو
يالحيتي في شاربي ماتهونين

لاشفتهم في حزة الضيق صدو
مالي بهم في حزة اليسر واللين


جزل العتيبي

العبد لامنّه عصى طوع مولاه
تولّجه شيطان الأنـفس وذلّه

وان كان ربه بالمرُوفه تولّاه
نادى له منادى السعادة ودلّه


عبدالله الشلوي

اساير الوقت وعيوني على الساعة
والهم يزداد لا دارت عقاربها

يالله دخيلك من الهجران ووجاعة
ومن دمعةٍ ترقب لمرجاع غايبها


احمد السليس

يهب يامجلسٍ لا جاله الشايب
يجلس فالاطراف والجهال في صدره

يقفّي الشهم عنه وخاطره طايب
لا رافعٍ قدره ولا طارحٍ قدره


عبدالكريم المحينيش

‏ياللي تدرّق عن وجيه المواجيب
جنّب نحور نحورها وإجتنبنا

ما انته بغالبنا على مزارق الطيب
والا الردى تقدر عليه تغلبنا


عبدالكريم المحينيش