فوق هام السحب ( الشعر الشعبي) على متن القوافي

‏أقـدّر الصادق وأحب الوفيين
وأكنّ للشخص الكريم إحترامي

أكره دروب المصلحة والرديين
من خلقتي بالكون هذا نظامي

.....

ضايق ومستانس وراضي وزعلان
مدري وش اللي جمًع الكل ​فييني

احيان اجر الصوت مغرم وطربان
واحيان اجر الصوت وتھل عيني

.....

‏ياصدري اللي على الكتمان متعوّد
ياكبر قدرك مادام الناس ماتدري

خلك على واقعك بالصبر متجوّد
لين الله يبدل الأحوال ياصدري

.....

ما هو صحيح القلب للقلب شاهد
لو هو صحيح أصبحت مفتون فيني

بيني وبينك حب من قلب واحد
ليته يجيك من الهوى ما يجيني

وليتك تعرف الشوق لي صار واجد
وليتك تعرف أوجاع كثر الحنيني

.....

يا ليتنا نجرح مثل باقي الناس
‏ونكسر خواطر من كسرنا ونقسى

‏لكننا من كثر ما نملك احساس
‏نجبر خواطر من كسرنا وننسى

.....

‏فـي ميادين الغلا طفنا وطفنا
‏وغيرنا بـالحب كم طاح وتعثر
‏
‏ياعسى مانختلف واليا أختلفنا
‏اختلفنا مْن يحب الثاني أكثر

.....

بنيت لك في خفوقي بيت لك وحدك
‏محدن سكن فيه غيرك وانت به تدري

‏حتّين طاوعت نفسك وانتهى ودّك
‏وارخصت بعد الموده بالجفا قدري

‏هدمت بيتك كسرت ابوابه ابيدّك
‏واغلقت باب الهوى مابيننا بدري

.....

‏هذا نصيبي مع الايام من صغري
احيان اقوى الحزن واحيان ما اقوى

لوتدري الناس ويش اشيل في صدري
ماعاتبتني على شغلات ماتسوى

.....

‏مهره عنيده ساسها هيبة شيوخ
بنت النشاما والفعول الجزيله

المتعبه بِترويضها كل مطنوخ
الكايده والنادره والأصيله

.....

يالله توسّع خاطري دامني حي
وتجعل هناي وراحتي في صلاتي

يارب مابي خاطري يكسره شي
ابيك تسعد ما بقى من حياتي

.....