فوق هام السحب ( الشعر الشعبي) على متن القوافي

‏فيني ملامح من حكايات وجروح
‏طبع الزمن يترك على الوجه بصمه

‏مھما احاول اخفي الجرح بمزوح
‏ تجي ظروف الوقت وتعيد رسمه

.....

‏لاصار طبعي يابيض الوجه دماح
‏لاتحسب اني ميت القلب والروح

‏بعض الخطايا موجعه كنها رماح
‏وبعض الخطايا تاخذ شوي وتروح

.....

قلوب البشر ياصاحبي لها مفاتيح
وكل قلب مفتاحه بوصف وعلامة

وإذا تبي مفتاح من غير تصريح
افتح قلوب الناس بالإبتسامة

.....

حداني على الفرقا وانا كارهن فرقاه
عليهَ الله اكبر كيف كسر مجاديفي

.....

مرات حاجه تحدك وانت ماودك
ومرات زود العشم يورث الخيبه

يردك اللي تحسبه يوم ماردك
ويذلك اللي تبالغ في مواجيبه

.....

وينك تعال حروف الشوق لك ولهى
ياقرة العين يا نفسي وما فيها

اناظر الوقت واسرح بك وثم اسهى
واقلب الذكريات بكل ماضيها

.....

عمر التجاهل ماحفظ قيمة انسان
وعمر التجافي ما يحل الصعايب

احذر تكون انسان مخطي وغلطان
في قلب من عدك جميع الحبايب

.....

وحنا صغار نقول ياليت نكبر
حتى نعيش بواقع مانطوله

واليوم حنا نقول ياليت نصغر
حتى نعيش أيام ذيك الطفوله

.....

المحترم يُحترم ونبادله الإحترام
والسفه لاهل السفاهه ضربهٍ قاضيه

وان جاتنا الكلمه الهزله تراها كلام
ما حن بفاضين نردع كلمهٍ فاضيه

.....

‏الجفا مثل الشتا برد وصقيع
والمواصل للقلوب أحلى دفا

ان شراك الخل ابدا لا تبيع
المحبه عهد والدنيا وفا

.....