فوق هام السحب ( الشعر الشعبي) على متن القوافي

‏اقول يامالك كل الأحاسيس فــيني
ودي اسولف للملا عنك وش.،،، انت

ملكت قلبي مع غــلاي وحنيني
وكل المشاعر تتبعك وين ماكنت

‏عقلي تولع بـك وقلبـي* يناجيـك
‏وحبك ملك روحي ومنـي سلبهـا

‏وإن كان هذاالوضع لائق ويرضيك
‏يستاهل اللي* لـك** حياتـه* وهبهـا

تبسّم ترى الدنيا مثل آلة التصوير
تصورك في غفلتك وتوزع الصورة

وجوه البشر وجهين وجهٍ بشارة خير
ووجهٍ يجيب الهم شوفته وحضوره

عبدالله الطلحي

إذا أعـجـبـك شيء بالإنـسـان صرّح به
وإن ما أعجبك كفّ عنه حكاك ولسانك

اللي مايعجبك بعض الناس يعَجَبْ به
وأكـبـر خـطـا تـحـكـم الـعـالم بميزانك

عبدالله الجش

خلك بحالك واترك الناس ترتاح
اترك هموم الخلق للي خلقها

مالك ومال الناس فاضح وفضاح
الناس كثر همومها من بعضها

الهاب بدر

الا ياكريمٍ من كرمك العباد تجود
لطيفٍ رحيم وتغفر الذنب بالتوبه

نسالك تغفرالذنب يالواحد المعبود
نتوب ونعود وكل الاعمال مكتوبه

سعود بن سالم

الحاجة اللـــي حـدة الحر للبوم
يدفق دماء وجهه ويرخي متونه

لا شك أنا عنها من رجال ٍ تشوم
لو كان حظـــي مكسرات قرونه

راضي بكل اللي مقدّر ومقسوم
حتى ولـو كتفـي ثقيلـه ديونـه

أبيع وأشري وأفرق السوم واسوم
والطيّب الوافـي ترانــي زبونـه

عايش ابوليل

ابو وجه قدامي وعشرة وجيه اخلاف
لعل الضروف تحول مابيني وبينه
،
سرابٍ يجي ويروح في ساعة الميقاف
ينوع لي الضحكات والغدر في عينه
،
عايض ابوشيبه

الخطيّه من عدوّك ..... لاتهمّك
زلّته ،،،،،،،، متوقّعه ماهي غريبه

البلاء . لاجات من لحمك ودمّك
هذي اكبر كارثه . واكبر مصيبه


سعيد العلياني

قطف أمل دنياك وأبعد عن الياس
وأضحك وعيش "وتالي العمر" بايد

مهما تسوي طيب ما ترضي الناس
من خلقة الدنيا ، رضى الناس كايد

حمود البغيلى