فوق هام السحب ( الشعر الشعبي) على متن القوافي

‏الطيب للطيب بعيد الهقاوي
اللي يحد السيف ويعن خيله

وإلا ردي النفس عقله سناوي
دائم على درب الردى والفشيله

.....

‏ياروح روحي يا آخر عشق يا أوله
يا أول الحب في عمري ويا آخره

لو أكتب الشوق فوق الغيم وأحوله
صارت صحاريك ميناء والغلا باخره

.....

أغليك واهدي لك عيوني تراعيك
وتصد عن غيرك وتضوي لك بروق

واعطيك قلب مايبي غير طاريك
ونفس حداها الشوق ياغاية الشوق

.....

‏اخترت نفسي ما رضيت الهزيلات
يقسى علي الوقت وأقول عادي

صعب ولا تعجبني كثر العلاقات
وبعالمي أحب أكون انفرادي

.....

‏ياكثر المرحبا والمسهلا والشوق واللبّيه
‏على الشبّاك نفسه باقيه ماراح طاريها

‏هذا نفس المكان اللي بدينا فيه جينا فيه
‏نعيد الذكريات ونستفز اشواقنا فيها

.....

خذني⁩ معك لأخر مدارات الاشواق
‏⁧ واشعل⁩ على متن السحابه حنيني

‏⁧ خل⁩ الوله يمطر على غصن الأوراق
‏⁧ يروي⁩ جفاف فصول باقي سنيني

.....

جـاهـد وكـافـح والـليالي تـوافيق
وعـيش الـحياه بـفراحها والمسرّه

لايلحقك بالوقت حسره ولاضيق
واغنم ترى الفرصه في العمر مرّه

.....

‏أحّـلامـي أكْـبـر من الدنيا ومافيها
واللي حلمته وأبيه أكبر من أحلامي

قـدام عـيـني تزيد أشياء ما أبيها
وأشياء أسعى لها وتضيع قدامي

.....

بعض المواقف تسبب للفكر ضجّه
لاصار ماينعرف وش هي سبايبها

اعيش جوي وأخذ لي بالزمن سجّه
والنفس تسعد على شوفة حبايبها

.....

ولا لي بالبشر غايه ولا لي بالثرى أوتاد
‏خفوقي حر وأتبع ما يعز النفس وأرضيها