فوق هام السحب ( الشعر الشعبي) على متن القوافي

‏أكرم موازين المخاليق الأخلاق
‏وأكبر كنوز الأرض كنز القناعه

‏والرابح اللي لداعي الخير سبّاق
‏ودون المعاصي له من الله مناعه

.....

‏غربة الصمت تشبه الليل البهيم
‏في انعكاس البوح معزوفة حزن

‏بين بيض المشاعر واسهاف السديم
‏انكسار الحرف في كسرة وزن

.....

ياليل يعجبني سكونك وهاويك
ماغير أنا وياك والناس نامت

فكري لقى راحته في مساريك
والنفس في مسرى لياليك هامت

.....

‏بالوفا والطيب حثينا المسير
طبعنا الطيبه وعادات الكرم

كل طيرٍ لا صفى جوه يطير
ناوي المسرى وبجناحه عزم

.....

‌‎لا هبت انسامها مع السحب والغيوم
هذي هي الطلعه اللي وافيه بالغرض

برفقه اللي ليا احتجته بوقت اللزوم
يفز مثل الصقر ولحاجتك ما رفض

.....

‏الا يارفيقي مابقى بالعلوم علوم
ولا عاد بالموضوع وده ولا هاته

عرفنا الصحيح اللي تكنّه صدور القوم
مثل مايعررف الادمي نفسه وذاته

.....

‏عزاز نفس وبالمقادير راضين
‏ونفوسنا من فضل ربي رضيّه

‏وظروفنا إللي في يديها سكاكين
‏نشكي مواجعها لرب البريّه

.....

‌‎عطيناك مكنون الصدور وسكتنا يوم
لكن ما بقى للصبر في القلب غاياته

عرفنا الخطا منك وعرفناك زول اللوم
لو طال العذر ما ترجع النفس راياته

.....

‏حافظ على اللي خوته تشرح البال
‏الصاحب اللي يعتزي لا نخيته

‏يفزع بما عنده من الحال والمال
‏وإذا أظلمت دنياك جنبك لقيته

.....

يابرد الشتاء خل الحنين القديم يموت
امانه معك لاتبعث الشوق من قبره

أنا من كثر ماني بمتضايق ومكبوت
لو يقول احد وش فيك غصتني العبره

إذا الناس تحتاج اكسجين وشراب وقوت
أنا احتاج جبرة خاطرٍ ما لقى جبره

.....