فوق هام السحب ( الشعر الشعبي) على متن القوافي

‏ياوسيع البال ضيّقت الصدور
‏رحت ماعلّمتني وين أنت ساري

‏في غيابك مال خلق الله حضور
‏وفي حضورك مالهم بالبال طاري

‏صاحبى محتاج لك شعر وشعور
‏وإحتياجى شي ماكان إختياري

‏من متى والغصن يختار الطيور
‏من متى والبال يختار الطواري

.....

دنياك ياغادي تخيف المخيفين
خِفْها ترا المركى عليها مزله

تقبل زمان ثم تقفي زمانيين
والدور الآخر مقعدك به مذله

محمد العوني

الله يزيل الضيق عن شاكي الضيق
‏ويعوّض الضايق سرور وسعاده

‏ويحقق الأحلام للناس تحقيق
‏ويزوّد الصابر صمود وجلاده

.....

القصايد سلوة النفس والابداع ذوق
وكل بيتٍ يلفت العين يسلم شاعره

.....

‏أحيان تخـرج دمعــة تجــرح العيــن
دمعة تعاندني وانا اعرف سببها

ان جيت بآخر دمعتي تتحسب دين
وان طعت دمع العين احرق هدبها

.....

إذا جفتك الحظوظ البيض هملها
تأتيك بكرة على الرجلين منساقة

.....

سبحان من بأمره تهب الهبايب
علام ما يخفي البصر والسموعي

اللي لنا بأصناف خلقه عجايب
ربٍ لغيره ما يجوز الركوعي

.....

‏اسجد لربك وحضن الارض في ذل
لاضاق صدرك من هموم المعاصي

واخضع خضوع العبد يوم القدم زل
وانص الذي ماخاب من جاه ناصي

.....

‏والله اني للمشاكل ما سعيت
‏ولا تبعت الواردة والصادره
‏
‏من كثر ما شفت فالناس ولقيت
‏القلوب البيض عمله نادرة

.....

‏يقول مساعد الرشيدي:

‏اللي يبيك يجـيك لو دونك قيود
‏يكسر على شانك خشوم الصعايب

‏واللي يبي فرقاك لو دربك ورود
‏ما جاك لو انك من ادنى القرايب