فوق هام السحب ( الشعر الشعبي) على متن القوافي

لا تعاتبني على فعل الليالي فيني
‏ودي إنها مثل ما ودك ولكن عيَّت

.....

مدام في قربك مابلقى هناي
‏مالك بقلبي نصيب دامك هامله

‏هقوتي بك مغير جابت لي عناي
‏وقلبك على الصد لازم أعامله

.....

ونفْسَكَ فاحفَظْها ولا تُفْشِ للعِدَا
مِنَ السِّرِّ ما يَطوِي عليه ضَميرُها

فما يَحفَظُ المَكتومَ مِنْ سِرِّ أهلِهِ
إذا عُقَدُ الأسرارِ ضاعَ كثيرُها

مِنَ القوْمِ إلا ذو عفافٍ يُعينُه
على ذاكَ منه صِدْقُ نفْسٍ وخِيرُها

.....

على مفرق طريقين الرجوع، وسكّة الغِيَّاب
تخيرت الطريق اللي عسى مايشبه الرجعه

تبعتك لين جف الحنين وماتت الأسباب
ولا باقي سبب عندي يحرضني على الجمعه

.....

البس من ثياب المعزة لك لباس
وناس مايفرح قربها لاتجيها

واليا بنيت ابن العلاقة على ساس
وارض النفوس اللي تبيك وتبيها

.....

‏ماعاد توجعني خيانات الأحباب
وما عاد يصدمني الخـوي لاتردا

الناس من علّق عليها الأمل خاب
والدهر ماجابه مع الوقت ودا

.....

بنيت السعه من الصبّر وش حدّني للضيق
‏وأنا خابرٍ مثلي على مِثلهم واجد

.....

سقى الله ذارهم من غزير المطر همّال
ثقيل السحاب الليّ رعوده لها حنّه

.....

‏يالله بحظ يطيب العمر من طيبه
يجبر كسور الزمن ويشيل عثراته

.....

حفظنا شيمنا يوم كلن حفظ مبداه
تصُاريف بقعا ما تغير ملامحنا

.....