فوق هام السحب ( الشعر الشعبي) على متن القوافي

‏جامل زمانك لو حصل منه تقصير
‏محد تجي دنياه حسب اختياره

.....

ياعاشق الدنيا تراها محطات
تعيش في ديره وتفنى بديره

لاياخذك طرد الهواء والملذات
اذكر محطات الحياة الاخيره

.....

‏فيني من الشوق لك ياشاغل أفكاري
كتلة مشاعر وله مابقدر احصيها

اسامر الليل واكتب فيك اشعاري
من بوح صدري ارتبها واغنيها

.....

‏امد النظر واساير الشوف في دنياه
واشوف الجمال اقوى من الحرب وسنينه

واشوف الحياة اخلاق ماتشترى بالجاه
واشوف الوفا من شيمة الرجل من دينه

على الراس قدر من يحطك على يمناه
وعلى القاع حط الغير بالطيب واللينه

.....

تعال يامن على صرح الهوى سيطر
وش يمنعك ماتبادل عيني النظره

لوما انت والله طرف العين مايسهر
ولا المشاعر تعيش العمر في سكره

حبيتني بس احبك يالحبيب اكثر
وحبك اللي مجنني على فكره

خذني معك ياحبيبي بحر والا بر
لاعاد تهرب عليا هذه المرّه

‏القصيده في عيوني بدونك ماتزين
لازم ان اجيب طاريك يا ملح النشيد

انت ياللي من بطين الفؤاد الى الاذين
والله ان حبك مع الوقت ماينقص يزيد

في غيابك لك محبه ولك شوق وونين
وفي حضورك شف عيوني كلامي مايفيد

.....

اعضم صداقه صداقة مطانيخ
واعضم صديق تحبه وهو يحبك

الذهب يبقا ذهب فوق الشواميخ
والفسل لاقفيت من وجهه يسبك

.....

قال الوداع وعبرته تخنق الصوت
وقلت الوداع وعبرتي خانقتني

حر الفراق احر من جرعة الموت
حاولت اطفي جمرته واحرقتني

.....

‏هذي هي الدنيا رحى مستديره
تمسي على حال وتصبح على حال

اصبر ترى فالصبر حكمه وخيره
وخل الرجى بالله لو الصبر طال

.....

غلاه من فوق الغلا ماهو بدون
وحكاه سمعك يجبرك بارخاك له

ودك تحطه فالعيون من العيون
وتبسط على رمضى الثرا يمناك له

وتظله من الشمس في ظل الجفون
ولا يمر اذنه سوا لباك له

محمد بن فطيس