فوق هام السحب ( الشعر الشعبي) على متن القوافي

‏لا شفت برق الحسد بعيون حسّادي
‏تقوى عزومي وعين الحاسد أعميها

.....

سلامي على وجه الرضا و الجناب الزين
‏وسلامي على اللي لا عطى العهد وفا به

.....

سلام على اللي فزّ لاشافني مشتاق
‏عيونه على زود الغلا باحت أسراره

‏أحبه وأحب اللي يحبه من الأعماق
‏تربّع بقلبي لو هي بعيدةٍ دياره

.....

مثل مايحتاج الأنسان للماء فالحياه
‏الدروب اللي تودي عليه احتاجها

.....

‏سألت عنك الشوق والذوق والحب
وناديت لك في كل وقت ودقيقه

يمرني طيفك وانادي له ارحب
وانا ادري إنه طيف ماهو حقيقه

.....

الهوى مثل الوطن والقبيلة والنصيب
‏حاجةٍ تختار الإنسان ما يختارها

.....

لا تضيق من الحياة ولا تكدر
‏دام تملك شيء غيرك فاقدينه

‏والله ان العافيه ماتنتقدر
‏والله انها ياعرب حاجه ثمينه

.....

الي يبينا عمرنا مانخليه
‏ولا نبيه الي بعد مايبينا

‏مافيه داعي تسأل شْفيه مافيه
‏هذي طبايعنا ولاهي بيدينا

‏الي عطانا شي لابد نعطيه
‏اصلاً علينا حق لو ماعطينا

‏ليه الزعل والأسئله والمشاريه
‏ياربعنا بالله حنا خطينا

....

الظالمين الله اكبر عليهم
اخطر فئة من ربنا مايخافون

صليت في مسجد ابي ادعي عليهم
لقيتهم في الصف الاول يصلون

.....

‏ياجعل سمعتنا مثل كسرة العود
‏لا صابها حرّ الجمر تظهر الطيب

....