فوق هام السحب ( الشعر الشعبي) على متن القوافي

يارفيق الذات من باب الحديث الودّي
‏صاحبك همه يموت ولا تخيب ظنه

‏والله إنه من غلاك وكبر قدرك ودّي
‏انتخاوى فالحياة ونلتقي فالجنة

.....

اﻟعيون اللي تشوف حروف شوقي
‏بشروها اﻟيوم عن قلبي وشوقه

‏ماتخيّرته على ڪيفي وذوقي
‏وماتخيرني على ڪيفه وذوقه

‏النّصيب اقوى وحڪم الله فوقي
‏واﻟوله واﻟشوق من فوقي وفوقه

.....

‏عدّاني العيب والتقصير وشرهات الافا واللوم
‏واذا طيبي غلط عمري ألا يازين غلطاتي

‏عدّاني الكذب والتسويف وكلمة حقها مهضوم
‏ وانا ماني ضعيفة باس تحكمني قراراتي

‏عزيزة نفس ما أرضى شموخي ينهزم في يوم
‏وسيعة بال وافعالي توردها قناعاتي

.....

حذرى تنام وفيك ضيقه على الناس
سامح وغض الطرررف لاتصير عله

ولاتصير مع كل المخاليق حساس
من جاكك رحبه ومن ررراح خله

.....

‏ما اتصيد للخطايا مثل بعض الضعوف
‏دام لي نفسٍ عزيزه ولي وجهٍ وجاه

‏ادمح الزله لا جتني واخليها تطوف
‏لين ينفذ كل صبري وياصل منتهاه

‏الكفو لا شمت عنّه ملكته بمعروف
‏والردي لا شمت عنّه تزايد في عماه

‏انت الصباح واشعة الشمس والنور
‏وانت الحياه وريحة الورد لافاح

‏وانت الذي تجعل حياتي لها دور
‏يسعد صباحك يا غلا كل الاصباح

.....

متقلب الود لا تقبل معاذيره
‏خله يذوق الجفى والويل والحرّه

‏من يضمن تسامح ذنوبه وتقصيره
‏يقدر يعيد الخطاء نفسه مية مرّه

.....

استغل الحب واعطاني قفاه
وصرت تايه بين اه وبين وايه

اي تركني وراح خلاني وراه
والكرامه شي تمنعني اجيه

حتى لو انه من الناس الغلاه
الخطا بين وانا ماني سفيه

يسقي بذور الخيانه والغياه
والنتيجه يكسر الشوك بيديه

كنت درعه من غثاء الدنيا وعصاه
كنت عنده شخص مالي اي شبيه

حبه اقسى درس بدروس الحياه
والله اني فرصه وراحت عليه

.....

ياصاحبي ماعاد بالخاطر احلام
لا الروح مرتاحه ولا القلب هادي

من كثر ماجارت بنا ظروف الايام
صرنا نرى صدماتنا شي عادي

.....

ما عاد لي بمطارد الصَيد حاجه
‏إلا غزالٍ صادني قبل أصيده
‏
ريمٍ لبس في عالم الزين تاجه
‏عزّاه داري عن دياره بعيده

.....