فوق هام السحب ( الشعر الشعبي) على متن القوافي

شفت المطر ومعانق الغيم للغيم
‏وكيف البشر في روعة الجو هامت

‏يشبه حضورك يا فريد التراسيم
‏داخل عيوني الي عن الغير صامت

.....

‏من يوم خيبو بعض الناس ظني
زادت طموحاتي ثقه ما تلاشت

خسرت بعض الناس يمكن لاني
أخلاقي مع رغباتھم ما تماشت

.....

سبحان من سوى جمالك وحلاك
انا اشهد ان الله كريم بجمالك

اجزل عليك من الترف لين خلاك
الفارقه في كل مره لحالك

.....

متعلقٍ لي في رجاء يشبه الياس
‏في مثل خيط العنكبوت امتعلق

.....

على سكة التيه وعلى مفرق الخذلان
‏وقفت اتأمل ماحصل بينك وبيني

‏احاول على الصده واحاول على النسيان
‏وعلى فطم قلبي عنك ماعاد يمديني

‏تكاثرت وصلي وانت من جيتني ولهان
‏وعطيتك من سنين الحياه اجمل سنيني

‏انا ماقدر اصبر واتحمل قدر الامكان
‏وانا كل يوم اشوفك تطيح من عيني

.....

كم لي وأنا منك لاداسم ولا ظافر
‏ياويل قلبي عليك ومنْك ياويله

‏جيتك من أقصى الدروب وبكره مسافر
‏على مواويل يادنيا من أنتي له

‏عطني من الوصل لو بروس الأظافر
‏إن شفتك اليوم ولاّ شفتك الليله

.....

‏وإنّ تطرّقت القصايد ولا وفّت غلاك
‏يكرم البيت المسكّت من البيت الركيك

‏أنت لو تطلب ما ضمّت ضلوعي قلت جاك
‏اسهج الضلع الموالي واخذ ممّا يليك

.....

‏"انهزم وأقول خيرة وانتصر وأقول خيرة
‏مدري الخيرة هي بهزيمتي والا انتصاري

‏في رجا الله لو يموت الحلم رحت وعشت غيره
‏اختيار الله سبحانه أخير من اختياري

.....

اكثر قلوب الاوادم رهينة مغريات
‏الحظيظ اللي لا قفى ترك فيها وسم

‏يابعد من راحت سنين لكن يوم جات
‏جات ما معها غنيمه ولا معها قسم

.....

انا قلبي يوم اشوفك يجي فيه ارعشه
‏حب مدري شوق مدري غلا مدري شفاه

‏انت مثل الغيث لامر له دار انعشه
‏صح من قال اقرب الحي ويزيدك حياه

.....