فوق هام السحب ( الشعر الشعبي) على متن القوافي

‏ياعظيمة وأنتِ الأشياء الجديدة والقديمة
‏وأنتِ اللي لو تصد الأرض ماصدَيت عنها

‏وأنتِ أشجع الإنتصارات وملذات الهزيمة
‏وأنتِ اللي وين ما لقِيت قلبي قال عَنها

‏وأنتِ أعجوبة زمان الشاعر اللي هَلّ ديمة
‏وأرتوت جدب القصايد لين صح الله بدنها

.....

‏أنا مشتاق أسولف لك واعيد الماضي اللي راح
‏مادام الحاضر اللي فيه حنّا ما اهتنينا به

‏حبيبي كل هالدنيا تعب ما احدٍ بها مرتاح
‏سوى المشتاق مثلي راحته في شوفة أحبابه

‏يموت الليل في وجه الصباح ويضحك الذباح
‏وانا في صبح وجهك تضحك عيوني وتحيا به

.....

يموت الليل في وجه الصباح ويضحك الذبّاح
‏وأنا في صبح وجهك تضحك عيوني وتحيا به

.....

‏مشتاق لك يانور عيني من الناس
‏شوق كثر ماقلت ماينوصف لك
‏
‏انت الغلا وانت الهوى وانت الانفاس
‏بوح المشاعر كلها تنجرف لك

.....

ياكثر ماتطري علينا الطواري
باحلامنا وقلوبنا بكل الاوقات

نجامل العالم غصب ونجاري
واعصابنا بكل ديرة لها اشتات

وكلام يوصلنا من الصدق عاري
لكن عسفنا نفوسنا للمسرات

.....

الاصيله لا تفكر في زعلها
تحفظك لاغبت وتشيل الثقال

مهرتن ما تلتفت للي سالها
بنت شيخ تتعب عيون الرجال

.....

بنت الشيوخ الي تشرف عربها
مهره اصيله راسها دوم مرفوع

هي الاصيله من عرفها حسبها
تخضع جزيلات القصايد لها طوع

.....

ان جيتني بالطيب جيتك بالطيب
وان جيتني بالشين جيتك بالزين

طبعي نِقي ماجازي العيب بالعيب
وقلبي وفي ومانبض يوم بالشين

.....

ياهداية قلب كنت أخشى ضياعه
‏جيتني مثل السعة من بعد ضيقه

‏ماقدرت أكبح شعوري واندفاعه
‏خاطري مُرهف وأحاسيسي رقيقه

‏عاشقك ماله على الصبر استطاعه
‏كل ماجا يلثم الورد ورحيقه

‏ان قدر يصبر لجل لقياك ساعه
‏ماقدر يصبر على بُعدك دقيقه

....

‏يامساء الخير يا أحلى مساء
يامساء البرد وأنغام الشتاء

يامساء الورد وأنفاس المساء
يامساء الشهد من دون إكتفاء

يا مساء الحب نبدء هالمساء
مع رحيق الورد غنوا يامساء

.....