فوق هام السحب ( الشعر الشعبي) على متن القوافي

صوتك مخارج حروفك ضحكك إسلوبك*
ما أشوفها تسليه أشوفها سلوه

سوالفك كنها في سمع محبوبك
ابيات حلوه وصارت أغنيه حلوه

.....

يستريح الليل في عتمة جديلك ويتهنى
‏وإن تمرد ماخذا إلا من بياض العنق شامه

‏قلت أهز الجذع مره مادريت انه تثنى
‏لين طاحت من عناقيدك مواعيد وغمامه

‏جيت منا والجروح المستديمه جات منا
‏عارف ان الخوف مابعده تياسير وسلامه

.....

وش عاد يرضيك ياللي ماكفاك الدلال
‏شرّعت لرضاك كل ابوابي المؤصده

‏ذابت بقايا فؤادي فوق جمرة تعال
‏ماتدري ان الحنين يفتت الأفئده

.....

‏لاضاقـت بعينك قل الحمد لله
‏حمدٍ يليق بكبر فضله وجوده

‏الحمد للي ماتعدد عطاياه
‏والشكر للي من شكر له يزوده

.....

‏إن طالت الدنيا وجيناك زوار
إحفظ عهود الود ياكامل الزين

وإن حالت الأيام دونك والأقدار
من عادة الدنيا فراق المحبين

.....

ولا لي بالبشر غاية ولا لي بالثرى أوتاد
خفوقي حر وأتبع مايعز النفس وأرضيها

ولا مني عشقت أعشق شبيهي لو هواه جهاد
وأعاف اللي تذلل بالمحبة من بلاويها

.....

‏ماحنّا على ضيقتك يالاجودي دارين
‏لاصارت بدون اسباب عساك ماترضى

‏ترانا يادوب نجامل العالم الصاحين
‏تبينا بعد انجامل العالم المرضى

.....

خذني معك وانا على السد مامون
واعطيك من فلذات قلبي رتاعه

وارفق بقلبي ياحبيبي على الهون
وحيٍ يودك ياريش العين راعه

.....

‏دايم على الخاطر تجي مثل الامطار
كنك تعرف اني من الشوق ظامي

انا فرشت القلب لك ورد وأزهار
وأنت بغلاتك أخذت كل أهتمامي

.....

عسى الله يجملني مع طيبين الفال
وعسى سمعتي بالخير يارب مذكوره

.....