فوق هام السحب ( الشعر الشعبي) على متن القوافي

‏خلك مع اللي لا درى بضيقتك ضاق
وابعد عن اللي لا درى بضيقتك صد

.....

‏احدن تمنى شوفته في السنه يوم
واحدن طوال العام ودكك تشوفه

واحدن يغيب ويحرم عيونك النوم
واحدن يغيب ولا تهمكك ظروفه

.....

‏في كل ساعة من الأيام تجمعنا
‏ودي أقول لك كلمة بيني وبينك
‏
تعال قرب لا أحد يفطن ويسمعنا
‏يازين الأيام في قربك ويازينك

.....

‏انت وصلك روح وغيابك ممات
‏شوف صدك من ضلوعي وش سلب

‏ما ابي من بعد زولك مغريات
‏شوفتك عقب البطا عز الطلب

.....

‏الوقت لو غير مفاهيم وطبوع
‏أبقى الذي ماغير الوقت طبعه

‏يوم الليالي جفوة أحباب وربوع
‏مابار بأحبابه ولا خان ربعه

‏ياللي تشوف العمر تابع ومتبوع
‏أنا أشوف العمر موقف وسمعه

.....

تطري مع الںسجه هواجيس وعلوم
‏وانا مـن الـهـاجـوس مـاني بـخالي

‏يَاسـجـة الـبـارح وياسـجـة الـيـوم
مـدري مـتى يـرتـاح قـلـبي وبـالي

.....

اعرف وجهك طلق كاسيه البياض
لو فيه من سود الليالي مرها

والله يـ لولا شوفتك وسط الرياض
علي الحرام اني ما عاد امرها

.....

أنا اللي ماحقد قلبه على فكره
مشيت وواثق الخطوة على دربي

أنا لي قلب إذا ماحب مايكره
كذا طبعي وهذا من فضل ربي

.....

العام عن زلت المخطين متغاضي
واكسب رضا الناس باسلوبي واجاملها

واليوم مانعرف الزعلان والراضي
واضعوف الافكار مدري ويش مزعلها

.....

اشـوف لك من وين مارحت ذكرى
ولاشفتهـــــا صديت عنهـا ودنقـت

ماكـــــــل جـرحٍ لاخـذا أيـام يبـرى
بعض الجروح يزيد شره مع الوقت

.....