فوق هام السحب ( الشعر الشعبي) على متن القوافي

‏تستغرب اني أعدي لك ومتغاضي
أنا من الوقت قبل أعرفك متعلم

أشياء واجد تضايقني وأنا راضي
على رغم قوتي أسكت ولا أتكلم

أكثر إنسان مايحكي عن الماضي
هو أكثر إنسان من ماضيه يتألم

.....

‏متى على الله تجيني ياغرامي واجيك
الشوق ماله عن القلب المعنا عزل

كانك تبى تغيب علمني وانا بحتريك
قلبي ليا حب دايم فالمحبه جزل

يحق لك يوم مالك وسط قلبي شريك
تسرح وتمرح ولاتحسب حساب وتزل

أحاول اكتب قصيد عتاب وازعل عليك
واذكر عيونك واخليها قصايد غزل

.....

‏غلطان من دوّر رضا مرخصينه
طرد السراب ولا غدير المقفّين

.....

‏صحيح الهوى مايثّر الا على راعيه
وجريح المحبّه تكشفه من حركاته

يبيّن عليه الحزن لو حاول يخفيه
ان ما بيّن بوجهه يبيّن على ابياته

يواسيه من مر بمعاناته الي فيه
ويضحك عليه اللي ماعانا معاناته

عسى من يلوم العاشق اللي فقد غاليه
تحده ظروف الوقت و يسوي سواته

.....

‏صـحيح انـا هـادي وطـبعي كتومي
وعــن الـمـناقش راحـتـي مـشتريها

وان كان تبغى تعرف ابسط حلومي
ابـنـي بـيـوت الـشعر واعـيش فـيها

وبـعطيك نـبذه عـن تـفاصيل يومي
امـسي عـلى ذكـراك واصـبح عـليها

.....

‏شفتك غـلا شفتك حلا شفتك إعجاب
شفتك عن العربان لي جـو هـادي

لامن جلست بوحدتي شـوق وعتاب
شفتك تفـاصيل البشر في فــؤادي

.....

‏الزبده انك اغلى مخلوق واطيّب شريك
وجمعت طبّع الحبيب ومغريات الخوي

ياجعلني ما اخسر حبّك ولا اعتاض فيك
ولا اخلى من غلاك وشوقك الفوضّوي

.....

لو كان غيرك في عيوني جواهر
انتي الدرر وانتي ضياها وماها

يامهجة اللي فيك هايم وشاعر
صبي وسط وجدان قلبي نداها

واستلهميني فكرة شعور زاهر
يسمومابين ضلوع صدرك دفاها

.....

‏زحمة أفكاري ضروري تستثير إحساسي
‏وتقطع حْبال الهدوء وسجّة المتعايش

‏والله ان العالم اللي عايشٍ في راسي
‏ازحم من العالم اللي فيه راسي عايش

.....

‏أبعرف كيف خلّيت الحنين يصافح الأهداب
‏يسهرّني إلين إني أنادي وما تحس فيني

‏أنادي لك أبي تسمع وليلي من حنيني شاب
‏أنادي لك أبي ترجع بلحظه كنت تحيّيني

‏ورحت أغفى وأنا فيني حنين وسالفه وعتاب
‏أنوّم جرحك بصدري ويجي طيفك يصحّيني

.....