فوق هام السحب ( الشعر الشعبي) على متن القوافي

‏عزاي إني رغم شدَّة وضوحي ماعشقت إلَّاك
‏لَكنْ اللي سرقني عن عيونك شدَّة وضوحي

‏حبيبي وش مصير الشعر لولا طلَّة محيَّاك
‏دخيل الله لاتقتل هواي وتجرَح مزوحي

‏تخيّرتك وأنا ماني بجاهل وجهك ومبداك
‏أشوفك ديرةٍ ضمَّت مداي ونصف من روحي

.....

‏حنيني عليك من الوله حنت المقهور
‏وانا مجري الهياب والقوم ممنها

‏ماشفت اكثر العشاق في غيبتك جمهور
‏قصيدي عليك من الوله صار يشحنها

.....

‏يارفيق الذكريات ويا شريك فؤادي
‏كل ظنً فيك ظنيته تجي من فوقه

‏يتسلل صوتك من الذاكره وينادي
‏لين يفتق جوفي اللي كنت اخيط فتوقه

‏ايييه يالبيه ياموتي ويا ميلادي
‏جعل حزنً مرني ماتونسه وتذوقه

.....

يوم راحوا مني ومني خذوا محبوبي
‏ولا تركوه الا بعد ما اعتاض قلبي عنه

‏قلت وش وداك معهم قال سود دروبي
‏قلت وش رجّعك منهم دنّق وقال إنه

‏كنت غالي عندهم لكنهم ضحّوا بي
‏مثل من ضحّى بغالي لجل الاغلى منّه

.....

ماينكتب شعر بليا مشاعر
ولا ينكتب بيت بلا صدق واحساس

صحيح بين الناس مليون شاعر
لكن قليل اللي عجب شعره الناس

.....

لاتشكي اللي تعاني منه وتذوقه
صرنا بعصر الفضا والهاتف اللوحي

الولد في عالمه والبنت مخنوقه
كلما تقله باروح يقول لها روحي

.....

وّد الفقير انك تشيله جنازه
ولا يدور حاجةٍ ما ضمنها

.....

لك علي انسى ليالي الوصل بالقطّاره
‏وابكي ابكي لين اصب القلب من جفنيني

.....

قالوا تحب فقلت i'm sorry
الحُب ماهو ياعرب لعب ورعان

أنا الذي فالحُب ضيعت عمري
الحب أصبح ياعرب في خبر كان

.....

تعال نتسامح وننسىٰ الذي صار
بيني وبينك لاعتب لاملامه

بيني وبينك من يبي يشعل النار
يحرق بها وتقوم عليه القيامه

.....