فوق هام السحب ( الشعر الشعبي) على متن القوافي

‏بعض الظروف احيـان مثـل المنبّه
لاصرت غـافي عـن رفيقـك تصحيك

تكشـف لك الكـاذب وزيـف المحبّه
وتكشف لك الصادق اذا كان يغليك

.....

‏الصمت حكمه لكن البوح نعمه
وكلاهما يحمل مزايا مع عيوب

احذر تبالغ يصبح الوضع نقمه
خلك وسط ما بين غالب ومغلوب

وخذ من تجارب رحلة العمر حكمه
وترى الوقار بكل الاحوال مطلوب

....

‏غلاك في قلبي مع الوقت يزداد
‏احساس وشعور وغرام وحكايه

‏في نظرتي بين البشر مالك انداد
‏ويبقى وجودك في حياتي كفايه

.....

‏رغم ابتعادي عن مراسيء تلاقيك
‏تبقى على ضفة فؤادي سفينه

‏أحيان اشوفك في خيالي واناجيك
‏وأحيان فصل الشوق يمطر حنينه

.....

‏لا تبتعد يا حبيبي اكره الابتعاد
‏الهجر ناره تولع في ضلوعي كما

‏اجروم سمرن تضوت لين صارت رماد
‏وعيني على شوف غيرك كن فيها عما

.....

تعَال افگدني لتخلِي العذر مَهرب
‏تَراچي اثنينة وبَس نفترگ نَخرب

شعر عراقي

خلك عزيز النفس والعز ماواك
‏كلن عطه تفصيل ثوبه ع قده

....

ماتت امانينا على كف الايام
‏وحكم القدر فارض علينا ميوله

....

من خلقنا الله وحنا رفيعين المقام
مانعرف الكبر لكن نعز نفوسنا

.....

‏اما تجي حكمه وتغلب على الصمت
‏ولا التزم بالصمت والصمت حكمه

.....