فوق هام السحب ( الشعر الشعبي) على متن القوافي

الطيب جمّع ناس لا عرق فيها
والحقد فرق ناس من صلب جدان

عمر الردايا ما تمثل ذويها
والطيّبين اخوان لو ماهم اخوان

.....

سبح وكبر كل ما اصبحت وامسيت
واستغفر الله كل لحظه وساعه

واخشع ليا منك بالاوقات صليت
وعليك بالإخلاص في كل طاعه

وإن طعت ربك فزت باللي تمنيت
واصبحت لك عنده قبول وشفاعه

وعجل على التوبه ليا منك اخطيت
وخلك بها الدنيـا كثير القناعه

.....

انت الكريم وكل خلقك ترجاك
نطلبك جودك يامنجي دخيله

يافارج الشدات بالضيق ننصاك
عليك تخفيف الحمول الثقيله

.....

‏عليك يارب البشر كل الآمال
محقق المستعصية المستحيلة

يارب من يعمل من الخير مثقال
ذرة يراه وماتضيع الحصيلة

وأنا ياربي شلت صعبات الأحمال
والغاية أكبر من طموح الوسيلة

مستعصم ٍ بك عن غوى كل دجال
قبل الوداع القلب يعلن رحيلة

.....

صوتك يرد الروح ويثير الإحساس
ومع كل نبره منه يزداد شوقي

اليا اختلط مع بحته حر الأنفاس
كنـه يضـخ العافيه في عروقي

.....

جيتك وانا كلي تعب ودي ارتاح
أبيك تسمع نبض قلبي وحرفي

نظمت لك شعر الغزل عطر فواح
ونسجت لك تاج المحبه بكفي

الصبر طبعي لكن الشوق فضاح
واللي يحب من قلب صعبه يخفي

مسكين ياللي تظلم الناس مسكين
لابد من يومٍ تشوف الندامه

في خاطرك ضيقه وفي ذمتك دين
وعليك من سو العواقب علامه

أد الحقوق ولاتعوّد على الشين
كانك تبي يوم القيامه سلامه

أحذر تماطل في حقوق المساكين
واللي حقر للناس ضاع أحترامه

.....

دام النـوايـا فـي حشانـا سليمه
ماهمنا من قال فينا ومن عاب

حنـا خلقـنا مـن سلاله كريمه
ما نلتفت لكلام عايب وكذاب

.....

‏لك بين نبض القلب والطرف مسكن
ولك في ثنايا الروح طيفٍ وصوره

ولك في شعور الذات حبٍ تمكن
والبال ما يرتاح إلا بحضوره

.....

تدري وش اللي لافقدته خساره
ماينتعوض لو رصيدك ملى ابنوك

اخوك لا منك هفيت بوقاره
وخاويتلك من نايد الناس صعلوك

مكسبك فالدنيا وساس التجاره
تراه اخوك ولا احد ايعوّض اخوك

مادامكم حيين خلك جواره
ماينفعك لامات لو فيه عزوك

.....