فوق هام السحب ( الشعر الشعبي) على متن القوافي

‏نسلي النفس والباقي على الوالي
‏الخير والرزق عند الله مفاتيحه

....

‏القلب لا من عاف صد و تشيّم
‏والنفس لا طابت رخص كل غالي

....

رفيقي الغالي والأيام قدام
أزعلتني وأشعلت فيني وقايد

لا تفرح بوضعك ترا سود الايام
بكره اذا دارت تشوف النكايد

خسرت لك غالين ورجال حشام
من اول لا ضقت كانو سنايد

تقول انا مشغول والعالم ازحام
وتوعد ولا به من وعودك فوايد

اهديتني نور الأمل لكن اوهام
وكذبك علي يشبه كذب الجرايد

أنا حسبتك بالشدايد لي حزام
وأثرك مع اول ريح وقت الشدايد

مبارك الجحيلان

‏ياهل المرور شلون اسوق المعاذير
مافيه يوم يمرّ ماتذكّروني

والله ماهي من زود فضوه وتبذير
لكنها من دون وجهي ودوني

لو كان عندي شي ما أحتاج تذكير
سددتكم قدام اسدد ديوني

.....

في كنف ليلٍ نجومه تشد الإنتباه
تبتدي غربة من يعيش في حضن بلده

شاعرٍ كن الليالي تواصي في عناه
لاحقه من ميلة الوقت ضيقه وزهدَه

فاقد اللي زود بُعده مانقص من غلاه
من يبشرني بشوفه ويبشر بسعده

مابقى في ساحة البال من ذكرى لقاه
غير تلويحة وداعه وخذلان وعده

قلبي اللي عاش حلم المواصل في ذراه
خايف أنا من مهاده يوارى فـ لحده

كني أبوٍ مسه الفقر من بعد الغناه
يتقي من نظرة العجز في عين ولده

سامح الله من تركني على سكة جفاه
ضاميٍ لا لاح برقه ولا حن رعده

تختلي به سود الأفكار وتبيّح خفاه
تاركه فالحلق عبره وفالكبد لهده

الحزين يشوف في بسمته سترة نجاه
لو ورا البسمه من الحزن قومه وقعده

كثرة التفكير في بكره وفي اللي وراه
تشغل الواحد عن الحاجه اللي في يده

.....

الشاص لهل العز وأهل النواميس
شوفه دواء القلب العليل وعلاجه

....

ولا تحسب اني لو يطول الجفى ناسيك
‏انا الليلة الاولى عجزت اتخطاها

.....

‏أبرك مصاديف العمر يوم لقياك
‏من يومها صرت بحنايا خفوقي

‏لبّى طريقٍ ساقني صوب دنياك
‏ولبّى دروبٍ صوب دربك تسوقي

.....

‏لا تحسب اني بدونك ماقضي العازه
‏غلطان لا صار ذا ظنك وتفكيرك

‏غيرك يسد اللوازم يوم نعتازه
‏على البلاطه مشاريهي على غيرك

.....

‏من صفالي ماتركته لو يطول الزمان
ومن تغيّر تغيرنا عليه وعينه تشوف

.....