فوق هام السحب ( الشعر الشعبي) على متن القوافي

ماعاد صدري لضيقات الليالي وسيع
‏ولا عاد باقي لباقي الناس عندي قبول

‏يارب محتاج صدر من الصبر يستطيع
‏يتحمل اهل الردا والمصلحه والخبول

.....

‏مدري تتابع معي ولا نسيت الغلا
‏احتار فكري وقامت تكثر ضنوني

‏تعال عطني علومك يابعد هالملا
‏شوفتك عندي تساوي العمر ياعيوني

.....

ياطير خذ مني سلام وتحايا
وأقصد بها على ناس على العز رابين

ناس لهم طبع المحبه سجايا
وفيهم من أصناف الكرامه عناوين

.....

‏يا سجون الدهر ردي لي جواب
‏عن خوين غاب وابطى ما رجع
‏
‏اذرفت عيني مثل وبل السحاب
‏واغتشى قلبي من الفرقا وجع

.....

‏ حتى ولو ضاقت عليك الوسيعه
خلك على عرش العزوم متعلي

العزم لو غالي الثمن ﻻتبيعه
والضعف خله للرديف المولي

.....

ماحدن على الدنيا من الناس مرتاح
كلن بصدره ضيق واحزان وهموم

يالله عسى الضيقة تبدل بالافراح
وطير السعادة بالسماء يدرج الحوم

.....

مسيت يامن طرا بالخير في بالي
‏ماهو مساءٍ جميع الناس يوحونه

.....

تعال يا كل الغلا بشكل انسان
‏تعال انت علاج دواء كل عله

‏تعال انا برضيك لو كنت زعلان
‏انت الغلا الباقي وللقلب خله

.....

احساسي لك وعروقي عروق
فيها بدال الدم الاحساس جاري

حتى بديت اشوفك بكل مخلوق
ويجتاحني طاريك مع كل طاري

بشر تراني ودي اغفى ولا افوق
وابيع لك عمري ليا صرت شاري

.....

أنتِ بيوت القصيد بكل الأوزاني
بأسمك بيوت الشعر تكمل معانيها

وأنت أحساس الحنان بدم شرياني
تروي نبض القصـايد يوم أغنيـها

وأنت قصيدي وجمهوري وقيفاني
طاريك دافع لنبض الروح يحييها

.....