اخترنا لكم

‏يا كثركم يا جعلكم ما تكثرون
‏ياهل الهروج اللي مامنها فايده

‏وقت العوافي تذبحون وتصلخون
‏ووقت القسى ماتنطحون الكايده

.....

‏اذا غبت عنّك ظنّ فـيني بظـن الطيب
‏ما ابيك الرفيق اللي من ظنونه تـحنّه

‏تنقّ الظنون اللي مثل ماتصيب تخيب
‏ترى فيه ناس تميّز الشخص من ظنّه

.....

‏الكلمة اللي تضايقنا نعديها
‏وإن جاتنا من سفيه العقل طنشنا

‏مادام نقدر نمشيها نمشيها
‏من خوف نبلش مع الجاهل ويبلشنا

‏لوكل عوجا تجينا نلتفت فيها
‏ماكان نمشي مع العالم ولا عشنا

.....

‏والله إن مانِي على كية الحب مغصوب
‏غير ما عينت مثلك على الكون الرحبّ

‏لك كلام أعذب من الماء ولك صوتٍ عذوب
‏يشهد الله كنّه العافيه عقب التعب

‏ولي خفوقٍ عن محبتك عيا لا يتوب
‏جنته وصلك وفرقاك سوء المُنقلب

.....

عدّيتك الكلمة اللي تجرح الخاطر
‏وأنتِ لو إنك مكاني كان قلتيها

صالح النشيرا

جَوّد يدينك في يدين اللي تحب
‏من قبل تاتي له يدين تجوّده

.....

‏أعتبرني في حياتك من الماضي الجميل
‏أن ذكرتة تبتسم وأن بغيته ما رجع

.....

‏ما عاد لي خاطر ولا عاد لي نفس
ولا صرت أدوّر وصل من لا يبيني

من قرّب بخطوة أقرب له بخمس
ومن هو تغيّر عمد لا يحتريني

.....

تواضع تغافل لاتدقق وخلك سمح
جمال الحياة إنك تساير بساطتها

.....

تعدّى الظروف بلين جانب وقوّة باس
وتوكّل على اللي بيده العجز والقدره

من يحطّ قـدره سلعةٍ في يدين الناس
لا يزعل لا حطّوه الاوادم تحت قـدره

.....