فوق هام السحب ( الشعر الشعبي) على متن القوافي

لاتقبل تعيش المحبه بنقصان
اما الكمال او البعاد وهمومه

تبقى وحيد افضل من مْواصل انسان
يسدد بوصلك فراغات يومه

.....

بين واقع حزين وبين جرحٍ مضى
ودي أحكي وأخاف أندم لو إني حكيت

كنت أقول السكوت إنه علامة رضى
لين سكّتني الواقع وأنا ما رضيت

.....

‏تمنيتك وحلمــــــي فيــــك طول
وحظـــــي ماتحقق فيـــه حلمي

عليـــــك الله ياحظـــــــي تحول
ترى يأســـي هـدم بي كل عزمي

محبتها تزيــــد اكثــــــر من اول
وشوق القلب هش اليوم عظمي

ونار البُعد في الاضــــلاع تشعل
ومن جـــور الفـــراق ازداد همي

.....

والله ان الغالي اللي صد وجهه عنّا
‏لابغيت اروح صوبه نفسي اللي عيّت

‏كيف نركع للمقفي فالحياة وحنّا
‏ما ركعنا للمقفي في صلاة الميّت

.....

كرامه النفس أعظم من مشاعرها
‏َمن عز نفسه لقى فالناس مقداره

.....

اهديك بيتين شعر وأنت تستاهل
‏لاكن تمعن بها واعرف خوافيها

‏الحب في القلب ماينشال بالساهل
‏ولاينمحي من القلوب إذانطبع فيها

.....

‏غلاك فطره وحبك شي من حالي
والشوق يمك ياروح الروح يدفعني

انت اول الناس يوم اصحى على بالي
وانت اخر انسان قبل انام في عيني

.....

نجبر خواطرنا لنا اعوام وسنين
عسى الفرج لو طال دربه يجينا

.....

‏الصمت نعمه يوم الانذال تحكي
والثُقل ميزه في حياتي ودستور

مانا من اللي لاقسى الوقت يشكي
اجمع حطام القلب وابني به قصور

.....

‏لاتشيل همك لين بكره وبعـدين
عين الله بكل الخلايق بصيره

واعرف مصير الوقت لاشان بيزين
ومصير ضيقات الخواطر قصيره

ماتدري الله كاتب الخير لك وين
احيان تكره شي ويصير خيره

.....