فوق هام السحب ( الشعر الشعبي) على متن القوافي

سعد من قلبه على الفرقا شمالي
مايھمه فالهوا وصل وقطاعه

.....

محبة الناس نعمه وان بغيت الصحيح
محبة انسان واحد بالعمر كافيه

والله ما ازين من القلب النظيف الصريح
والخوه الطيبه والنيه الصافيه

.....

يازين جوّ وجوّنا ليلة الأمس
عيت جفون العين فيها تنامي

ليله قضينا سرّنا جمعة الاُنس
فيها الفرح فيها الخوال وعمامي

من زينها في جرسها همسنا همس
شعر وطرب حر إقترب بالسلامي

كل الهلا وكل الغلا وافي الخمس
في حرفنا من قلبنا لك ضوامي

.....

المساء لولا عيونك ما عشقته
‏فيه من حبك ومن شوقي دلايل

‏والشعر لولا عيونك ما كتبته
‏وان كتبته مالقى غيرك بدايل

.....

‏يا رضى صبح السماحة يا ذوالوجه البشوش‏
من يصبح وجهك العذب وش عاده يبي

.....

كل الملا تحت أمرك لامعك راس مال
حتى ولو مامعك شي عقل مش مشكله

وانك بلا مال لوعقلك بوزن الجبال
في سوق الانذال ماتسوى ولا باوله

النعجه الراس ماليه تقود الجمال
في مجتمعنا وتترأس على القافله

وتخلي الذيب يحرسها بخمسه ريال
هي الزعيمه هي الشيخه هي العاقله

.....

بعض ألغلا ماتنصفه بدعت ألقاف
متعب ويتعب مسرجين ألقوآفي

يستنزف ألفكره وتخطيه ألاوصاف
وألشعر كله فيه ما هو بكافي

.....

‏ماصرت رسمي بالتعامل مع الناس
الا بعــد ماغيــر الــوقـــت نــاسـي

غيـرت طبعي عن قناعه من الراس
عشان اريـح من غثى الناس راسي

.....

‏خذ ياسحاب الشوق من قلبي الشوق
وارحل جعـل مسعاك درب السلامة

صــوب الذي له شــآن ومكانته فوق
وسط الضلوع العــوج ساكن غرامه

قله قسم قلبي من الشــوق محروق
والنار تنهــش في الخفــوق إلتهامه

والجسم كامل صابه الياس والعوق
والقلب ينـــزف داخلي مـن سقامه

.....

‏أنا وياه مثل اللي يحاتي واحدٍ يغليه
‏يشوف ان المفارق صعب لكن شايلٍ همّه

‏يقول الموت لامن صار دوني تقدر أنك تجيه
‏وأقول الموت وينه ياحبيبي واتجه يمّه

.....