فوق هام السحب ( الشعر الشعبي) على متن القوافي

‏جوارحي للغياب المر مضطره
‏والوصل مانيب فيه اليوم متجود

‏ان كانك تروح مره وتحضر مره
‏انا اقدر اروح لكن ماقدر اعود

.....

‏اليوم يشرح خاطرك شوفة الجو
‏جوٍ اليا قالو خيالي خيالي

‏الشمس حاجب نورها زحمة النو
‏وريح المطر جت به هبوب الشمالي

بقلمي

من عطاه الله محبة فالقلوب
أشهد أن الله معطيه الكثير

جعلني لاجيت للناس محبوب
وجعلني لاغبت مذكورٍ بخير

.....

‏مايرد الروح وسط العروق الباليه
غير ودّان المطر والمواصل من قطوع

.....

الخاطر اللي يلحقه في تالي الأيام جور
يحتاج له عزله عن العالم وصبرٍ يسعفه

.....

من يحبّ المطر يشتاق شوف السحاب
وانت وصلك سحاب وشوف وجهَك مطر

.....

‏ياللي شريت البعد ماغاب طاريك
حتى لو أن البعـد سوى سواته

ماهو بمحزني على حاجةٍ فيك
الا أن قلبي شايـفٍ بك غناته

كن الطيوف تقول وشحال مغليك
واقـول راح مابقى إلا غـلاته

وأن بغيـت ترد قلبي ما أوصيك
أحسن عزاه اللي دريت بوفاته

.....

أدك الأرض لا منك زعلتي بالخطاوي دك
‏أسابق بالرضا دمعك قبل لا يجرح أهدابك

.....

‏البشر فيهم هوامش ومن سقط المتاع
‏مالهم تأثير واضح على مستقبلي

....

‏بلّغ معاذير الكلام السلامه
‏ما عاد لصدور المشاريه قاضي

.....