اخترنا لكم

عطاه الله قوامٍ تطرقه الانسام وتثنّيه
ووجهٍ كن شمس الصبح تشرق بين حجانه

على متنه عتيمٍ تلتحفه الشمس وتحنّيه
وورا ثغره مزامير الهيام وخَمْرَة الحانه

من اللي شافه يغنّي غيا ولا تغنّى فيه
ومن اللي كوسره طربه ولا صح الله لسانه

.....

الليالي صابها الخوف واخطاها الامان
والمشاعر بعد طول الصفو متكدره

رغم صدمات الاوادم وصدمات الزمان
صدمتي فيك انت لا زالت المتصدره

.....

‏جعلني ما أسوق وجهي عند من يجهل وقاري
‏وجعلني ما أعرّض النفس العزيزه للاهانه

‏جل شأن اللي خضوعي له وذلي وانكساري
‏كل ما يخضع له المؤمن رفع قدره وشأنه

‏اطلبه توفيقه اللي يجعل الصعب اختياري
‏وأستعين بقدرته ولا يخيب من استعانه

.....

‏مرحبا ياغاية القلب وأقصى منتهاه
‏ريف قلبي جعل عُمري معك ماينتهي

‏والله انك وسط قلبي وهاذا مبتغاه
‏والعمر من دون وصلك ترا مايشتهي

‏والله انك زين مبسم وطبع وزين جاه
‏جعل عين الناس منك تسج وتلتهي

‏واحدٍ مافيه مثلك وربي قد عطاه
‏الحسن والذوق والعز والوجه البهي

.....

الجمايل في بنوك الجمايل ماتضيع
وراعي المعروف لا جاء يدور له لقاه

.....

‏ماجرح قلبي ولا هزّ الفراق احساسي
ذكرياتي معك أنا نادم على مجمَلها

لا تعاتبني ليا من صرت مثلك قاسي
غيّرتني مجريات الوقت وأنت أوّلها

عبدالعزيز العبلان

تندر أشباهك مع العالم وأنا متنبّه
الحقيقة كل حسنٍ غير حسنك عادي

انت وجهك يوم أشوفه لاتقول مشبّه
مستحيل انه يذكّرني بواحد ثاني

.....

خابت ظنوني بس ظني بالذي
من ظن بينه دايما ماخــاب ظن

اسأل من الله يبعد الشخص الاذي
عني وعن قومي وصحــبي والوطن

.....

على كيفك ويكفـيني تقلّي كيف
وكذبـة كيف كـيّفـها عـلى كيفك

وما ينفك عن كيفك يكفه سيف
وما من فك قد ينفك من سيفك

على عيفك على زيني بعزة عيف
وعزة زيني اعلى من على عيفك

الاعيبك عبـاره عـن نزاهـة زيف
وذنبـي بالوفا كـالأجر في زيفك

انا لاكنت في قلبك مجرّد ضيف
ولالك قلب يستأمن على ضيفك

ولامريت في جوّي سحابةصيف
ولايـعني خريفي مسئـلة صيفك

كـلانـا مر بالاخـر مـرور الـطـيف
وكلكل عافية طيفي وجع طيفك

.....

سعودي وافاخر يوم حكامنا ال سعود
وياقف لنا التاريخ هجري وميلادي

وطنا هواه يفوح بالمسك والكمبود
وطنا على العالم سطع نجمه البادي

نعيش بـرغد والشكر للواحد المعبود
ونحفظ ما جاء فالمصحف وسنة الهادي

بقلمي