فوق هام السحب ( الشعر الشعبي) على متن القوافي

ودي أضيع بين يديك عقب البعاد
ضيعة اللي ما عيّن عاقلٍ ينصحه

.....

احب السوالف معك منا ليوم الدين
واحب التغلي منك واموت بعنادك

تسولف لي بتاريخ جدانك الميتين
واهو والله التاريخ تاريخ ميلادك

.....

خذيت السوالف ياحنين الغرام دروب
‏ووقّفت عند أول أحبك على بالي

‏ياحلو البدايه لو كلامك ماهو محسوب
‏يشدّك سكون اللحظه وتجهل التالي

.....

واضح مثل الشريعه في قلوب المؤمنين
‏وثابت مثل النخيل وواقف مثل الشجرّ

‏شامخ ما هز ثوبي لا رياح ولا يدين
‏أن رقيت ارقى نجوم وأن نزلت أنزل قمر

.....

من صبَ ليِ من دلته ربع فنجان
صَببتُ له من خافق الروح دله

من ساق لي بالطيب أقوال وأفعال
أسوق له الروح والعمر كُله

.....

بقى من اللي خذيته قلب بين اصبعين
وان قلت هاته من عيوني وتامر أمر

.....

يامعودني على طول الغياب
كل غالي طول غيابه رخص

مطلق الثبيتي

ورّد البرد خدك وأنت خدك رقيـق
وما رحم عودك الميّال ريح الشّمال

من بنفسج ثغرك ووجنتك لاتضيق
حاول البرد تشويهك وزادك جمال

.....

أتابعـك فـي صمـت واكـره غيابـك
وارتـاح وستانس ليا صرت موجـود

ودايـم علـى بالـي اراقـب حسابـك
واقـرا كلامـك ذوق واشتـاق له زود

.....

‏عطيتك محبه صادقه مابها تشويه
‏وجعلتك بقلبي منفرد فيه وجداني

‏ وغيرك يبغاني بالمحبه وأنا مابيه
‏دام أنت عندي ويش أبي بواحد ثاني

‏ تراني ليا شفتك أسج الفكر وأشقيه
‏وأشوف القمر وأقول عندي قمر ثاني

‏غلاتك بقلبي شي يطغى على التّشبيه
‏كيف أوصفك والوصف يعجز به لساني

.....