فوق هام السحب ( الشعر الشعبي) على متن القوافي

‏انت عندي عز من شافت عيوني
وانت عندي عز من قلبي هواه

وانت عندي عز مخلوقن بكوني
وانت عندي شخص له قيمه وجاه

وانت عندي شي لايمكن يهوني
وانت عندي شي غالي مستواه

وانت عندي من تربع في جفوني
وانت عندي من سكن قلبي غلاه

.....

‏ابشرك قلبي من الضيم قد طاب
وكل ضيقن في خفوقي نسيته

من بعدما كحلت عيني والاهداب
بشوفت الوجه المنور فديته

ارتحت بك وارتاح دمي بالاعصاب
وارتاح شوقن في ضلوعي خفيته

وارتاح قلبن ذاب من جور الاغياب
من عقب مانا في فراقك لقيته

.....

‏ياليت أنا جوال قدام عينك
تناظري لي يا الغلا كل الاوقات

تلامسي روحي بصابع يدينك
وتسعدي قلبي بضغط الزرارات

اشتقت لك ياسكن الروح وينك
وينك مغيب ياحبيبي سلامات

القلب ضايق ياغلايا بدونك
وانا بدونك ياغلا الرووح اشتات

.....

‏نفسي اضمك ضمة تنعش الراس
إلين اشمك عطر واسكر حلاتك

ابختلط بك روح وانفاس واحساس
واضيعك فيني واجمع شتاتك

.....

‏احسبني كل ما طالت المده سليت
‏واثر قلبي لو يطول المفارق ما سلا

‏كل ما عرض خياله على بالي بكيت
‏آخ يا ذيك اللياليي ويا ذاك الغلا

.....

‏جعلني ما أندم على شي تركته
‏والله يجعلها مع الأيام خيره

‏وجعلني لا تبت عن شي وخسرته
‏يرزق الله خاطري في شي غيره

.....

قالو تغيب وقلت لا غابو الناس
وإليا حضرت احضورنا يعرفونه

‏أرد وجاري واحب التونـــْاس
وأطرب لمن تطرب معاني الحونه

من جا لنا قدره على العين والراس
ومن راح في دربه ولا له مهونه

‏ما نبحث الخافي ولا نوجع الراس
‏والناس ما ندري وش اللي يبونه


‏⁧منصور الحبابي

أنشدوني عنك وماحبيت أعلم
‏قالو ابطى قلت مهما صار غالي ‏

وقلت دايم يتصل فيني ويسلم
ما دروا بانك مخليني لحالي

.....

ما كل ضحكه عليها للسعاده ضمان
ولا كل وجهٍ بشوش مخلّيته الظروف

مفارق أحباب ومواجه ظروف الزمان
والحمدلله مستانس مثل ما تشوف

.....

‏يامالك الاحساس ياطيب الساس
لاجلك ولاجل الشـوق عنّيت ساقي

فيك الصفات اللي كما صافي الماس
كتله من الإحساس واسلوب راقي

وان كنت ماتدرك شعوري والاحساس
يفوح لك بين السطور اشتياقي

.....