فوق هام السحب ( الشعر الشعبي) على متن القوافي

زينٍك يعادل قناطير الذهب واللجين
والنفط والأرصدة والمركز المصرفي

أبشر بشعر تحطه شامة فالجبين
بابدع من اجلك وازيد إنتاجي المعرفي

.....

ابتدى ليل الشتاء في جيّته كالعادة
يغري اللي بالهم سالي ولايغريني

يعرض فبالي لكل الذكريات اعادة
عاد انا اللي فيني من همومي مكفيني

.....

وانا يالطيف الروح روحي تراك دواه
مريض الهوى ماينفعه كود محبوبه

.....

ابيـك العاشق اللي لو بغيتـه مـا خلـف ظـني
‏ابيـك أولـه من عيوني إذا ساقت لك النظرة

‏ابيك أطيب من ظنوني وابيك شوي وأكثرني
‏أبـي قلبـك على خبـري مثل ماني على خبـره

.....

اشفق على شوفه وضحكة حجاجه
واشتاق له شوق المغاليق للبوح

واليا ارتخى ليله وولع سراجه
جريت له صوتٍ من الشوق مبحوح

.....

ورى احبّك كلام ومن ورى كل الكلام إشتقت
‏عليك الشوق ماخذ عن جميع الناس تفكيري

‏لو أضمن ياخذك من يستحقّك بالبشر ماضقت
‏ولكن ما أشوف ان فيه أحد يستاهلك غيري

.....

لاتلوم الشوق ان صار مزعج
ترى الغلا ما هو على كيف راعيه

.....

وانا يالطيف الروح روحي تراك دواه
مريض الهوى ماينفعه كود محبوبهْ

.....

‏عطيتك محبه صادقه مابها تشويه
‏وجعلتك بقلبي منفرد فيه وحداني

‏ وغيرك يبغاني بالمحبه وأنا مابيه
‏دام أنت عندي ويش أبي بواحد ثاني

‏ تراني ليا شفتك أسج الفكر وأشقيه
‏وأشوف القمر وأقول عندي قمر ثاني

‏غلاتك بقلبي شي يطغى على التّشبيه
‏كيف أوصفك والوصف يعجز به لساني

.....

‏جيتك وانا من كثرة الشوق محتاج
‏احتاج اكون بكــل الاوقات قــربك

‏عطني خفوقك كان مــاعندك احراج
‏قلبي ملاه الشــوق واحتاج قلبك

.....