فوق هام السحب ( الشعر الشعبي) على متن القوافي

‏لا تلوم الحظ يوم الحظ خانك
الحظـوظ أرزاق مافيهـا زعــل

خلها دايم على طرف لسانـك
قـــدر الله ومــا شـــاء فــعــل

.....

ضيعـتني يا غايتـي ضمن بلواك
وحسيت قلبي عقب رايك تدمر

اسقيتني كاس الالم من ثناياك
كنـه رصـاصً بـين جمرً مجَـمَر

وفيـت لـك والقـلـب لبـا ولـباك
وحبيت روحك حب حايل لشمر

الله يبيحك من يسوي سواياك
وانت الوحيد اللي له القلب عمر

.....

الله أقوى لين خانتنا الظروف
ماهقيت الليل ما يوفي الوعد

.....

في طريق الردى المليان غدر وشماتة
‏ماني بمسـتغلّ الفــرصة إليا تهيّت

‏وش يعذّرنـي مْن اللي عطاني وصاته
‏مستحي منه حيّ ومستحي منه ميّت

.....

‏لو تسأل الديره وأهلها عن الآه
‏تسمع صدى صوت المحبين ساجع

‏كل المدينه في غيابك معاناه
‏سميتها عقبك بلاد المواجع

.....

يا الله عجل بالفرج ونت راعيه
كم ساعا ظاقت وعندك فرجها

انت الذي في خافي الغيب ندعيه
ونت الوحيد الي يعدل عوجها

.....

تعودّت ما أدوّر ورا العالمين سناد
‏أعنّز على يمناي وأوقف على ساقي

‏وتعاملت بأخلاقي مع الناكر الجحّاد
‏ولو الزمن يرجع تعاملت بأخلاقي

.....

عليه من الملامة ما يصحح غلطة المخطين
‏وأنا بسقي نوابت ضيقتي بأسوء قراراتي

‏باصد وبشعل من الهجر نار وتنطفي نارين
‏واروح الروحه اللي توجع أرضي ثقل خطواتي

‏ابشبع رغبة الهجران فيني واتمادی لین
‏احس اني على كثر ابتعادي مرضي ٍذاتي

.....

‏من حبه الله والخلايق تحبه
المسلم اللي مايخلي صلاته

هي العهد مابينه وبين ربه
وهي السراج اللي ينور حياته

....

ترا الشوق وأنفاس الوله وآخر الليل
والشعر وإحساسة ونفحة عبيرة

يسري بها العاشق قصيد وتعاليل
وقلب الهواوي كل طاري يثيرة

.....