فوق هام السحب ( الشعر الشعبي) على متن القوافي

بعض القلوب إحساسها يشبه الورد
‏تزهر لقا وإن مرّها البعد تذبل

‏وأجمل قلوب نعيشها شايلة الود
‏فيها الوفا وإن هزّها الشوق تسأل

.....

على سور قلبي لا تغرّك جموع الناس
ترى ما ورا بيبانه إلا مداهيلك

.....

‏ياللي تجاذبين الصوت قدام قافي
‏الشعر كن جماله من جمال الطبيعه

‏ليت ربي عطاني مثل صوت العيافي
‏والله إن تشبعين من اللحون السريعه

‏أحسب إنك تحفظ السر وأثرك تذيعه
‏دام باب الموادع حول باب التجافي

‏لا حدٍ يدري إن بيني وبينك قطيعه
‏خلها زلةٍ من وافيٍّ عند وافي

.....

‏النديم الي يعاتب ويتشره
‏لا يخاويني ولا لي معه طرقه

.....

‏قطعت الرجاء عقب السنة والثلاث شهور
‏وقفّيت عنك إقفاية السامح الراضي

‏معي حلم وامال وطموحٍ ما شاف النور
‏وقصيد من الذكرى وشيءٍ من الماضي

.....

‏صل وتصدق واترك اللـــي يمنون
‏مالك ومــال مولف القيل والقـال

‏وابوك وامك برهـــم لين يرضـون
‏احرص ترى في برهم زين الاعمال

.....

‏الســنافي ليت راسه ما يشيب
‏وليت عمره يندبل تسعين مره

‏والردي ليته مـن الدنيــا يغيب
‏دام خــيره ما يعــادل ربع شره

......

يامرحبا في طلتك يا مسا الخير
‏والي سعى بالطيب* ربي يدله

‏كلمتك مثل الغيم كله تباشير
‏لوما تحدر ماه يكفيك ظله

.....

‏يسولف علي بشويش وانا على لباه
‏ويسكت ليا مني بلبيه وهقته
‏
‏َاصدق كلامه وافهمه واكتبه واقراه
‏لو انه يقول ان البحر جف صدقته

.....

‏اجمل هدايا العمر انسان يغليك
وجمل هدايا الحب انسان وافي

روحه رهينه لك وبالعمر يفديك
فيه الوفاء والعهد للحب صافي

.....