فوق هام السحب ( الشعر الشعبي) على متن القوافي

سِج يا قلبي من الضيق واللي فيك فيك
وإن تنطحتك صدوف الزمن عطها قفاك

عيش يومك وإنبسط وإن تمادت ما عليك
العمر له يوم واليوم لا من جاك جاك

دامك مصلي صلاتك ومرضي والديك
الأمور الباقية جعلها والله فداك

.....

إن طاب حظك باعلك وإشترالك
واذا تردى فاطيب أرياك يعميك

وان طاب حظك في المجالس حكالك
وليا تردى الحظ قام وحكى فيك

وان خاب حظك آه وعزتالك
راحت عذاريب العرب كلها فيك

وإذا تردى الحظ عزي لحالك
أدنات مابه ناقص العقل يذّيك

.....

يقول ذا شل بالدنياء وحط
واتعلم الصح من أول خطأ

رد الغلط بالغلط أكبر غلط
وأكبر خطأ تكررت نفس الخطأ

وكل واحد معه سكه وخط
وقال الأول من استعجل بطا

ومن توكل على ربه فقط
مايرجع ألا بخيره وآلعطاء

والحق واضح يكفينا سخط
ماكل مكشوف يبغا له غُطا

ما ميّزين الحروف ألا النقط
وما اظهرين الطريق ألا الخُطى

والكبر من يعتلي خيله سقط
ومن تمطاه ليته ما امتطا

ذا ما حسب للطرف مثل الوسط
مايدري إلا وهو حيث الوطا

قـال لـو تدري حبـيـبي كم احبك
قلت قلّي نفسي ادري قال مدري

قلت كيف اْدري بمدري خاف ربك
قـال بيتـدري وتـدري بـس بدري

قلت من عمرك ومن عمري بقربك
قال عمري مِه فديتك انت عمري

قلت لاتطغى على صدقي بكذبك
قال سرّي في غرامك مثل جهري

قـلـت متـمرد وحـبك مـثل حربك
لاتـراوغ لا يـغـرّك طــول صـبـري

قـال مـتمـرد ومـتعـطّش لـضربك
ونفصالي عن هوى غيرك وشطري

قلت يا مملوك من سهلك لصعبك
لاشمـالك لاجنـوبك مـلك حصري

لاسما ارضـك ولِا شـرقك وغـربك
لـم ولـن تُحـكَم بدكـتاتـور غـيري

قال قلبي قـلت قُـل ياقـلب قلبك
قـال عـانقـني وطـفّي نـار صدري

.....

قالو لي إكتب قصايد حب يابو هديل
قلت المحبه وعيش السعد لهل الريال

واحنا المساكين راحة مثلنا مستحيل
مافيه لنا فالهوى مكسب ولا راس مال

سنين من يوم فارقنا الشعور الجميل
والسعد ياالله نشوفه بس مثل الخيال

ماآظن تعشق وحملك فوق ظهرك ثقيل
وقسوة الوضع ماخلت لعاشق مجال

غبني لمن كان مثلي شهم وافي أصيل
وصابه الدين والأزمه وقهر الرجال


د/أحمد العميسي

مسامحين اللي تناسوا عطانا
بقلوبنا نخوه وفينا مروّه

و إذا خطينا نعتذر عن خطانا
ماهو بضعف إلا شجاعه وقوّه

وما نلتفت للي كلامه ورانا
لو ألتفتنا له عطيناه جوّه

واللي يقدّرنا ويوقف معانا
نعامله باللي يليق بسموّه

نهتم في اللي كل همه رضانا
ونقدّر الطيب ونحب الأخوّه

.....

ما بين الصعب وبين الخوف والتجريب
‏أحاول ما أميل بيوم ولا تتشرّد أفكاري

‏أمر بمرحلة صح أو خطأ أو صدق أو تكذيب
‏كأني تايه في شيء ولاني عارف أقداري

‏أنا يا ربّ ما أدري وش اللي ينكتب بالغيب
‏ولكن رحمتك أكبر من اللي فيه أنا داري

.....

‏تدري وش اللي يجعل النفس ترتاح
‏ولا تشتكي من بعده الهم والضيق

‏كلام رب الكون مكسب والارباح
‏فيه السعادة مع جميع التوافيق

.....

من قلة الراحة وضغط الدوام
تفكيري مشتت وعقلي مضطرب
‏
طيشي يقو إلى الأمام إلى الأمام
ورشدي يقول لا تقترب لا تقترب
‏
ماني بخايف من كلام أهل الكلام
لكن خايف عقب ذا العمر اخرب
‏
ماني بحاجة للغلا والإهتمام
أنا بحاجة للوناسة والطرب

.....

ويقولون متكبر واقول اتكبر ليه
‏وانا في ذرى ربي وعبده وابن عبده
‏
‏طويل الذراع ان عّرض اسمي تعلق فيه
‏وضعيف الروابع كني امشي على كبده

.....