فوق هام السحب ( الشعر الشعبي) على متن القوافي

حنا بدو نطرب على شبه النار
وريح الحطب بثيابنا لاملاها

.....

يانجد والله مالنا عنك مجناب
اسمك لحاله راس مال وهويه

ومثل ماقال الشاعر الهاوي الحاب
تبقين يانجد العذيه عذيه

.....

الجـو غـيـم وفـيـه رذاذ هتان
‏يمطر شـوي ويمطر احيان قـوَّه

‏صوت المطر يشبه تعاليل خلان
‏في حبهم صدق وعفاف ومـروَّه

.....

تحديت الليّال المظلمَه والسور والأقفال
‏ووصلت لكل ما يطري علي بفجّة إشراقي

.....

‏البروق تلوح منا والرعود تحنّ منّا
‏المطر ما وقّف من البارحة والسيل جاري

‏والحكومة تنذر العالم عن اخطاره وحنّا
‏من سعادتنا نباري السيل لو ماله مباري

.....

الهبايب وجّهت ذعذاعها والشوق ذعذع
‏ليت يا قلبي معك قدره لذعذاع الهبايب

‏لا يهمك يا قفص صدري لو ان الهم يجذع
‏كل ضلعٍ من جذوره مع عدم ذكر السبايب

‏المحبه شي فطري ومعطيات الحب تلذع
‏والمحب بمنتصف عمره تشوفه كنه شايب

.....

‏لاتشيل همك لين بكــره وبعـدين
عـين الله بكــل الخــــلايق بصــيره

واعـرف مصـير الوقت لاشــان بيزين
ومصيـر ضيقـات الخـواطـر قصيـره

ماتــدري الله كاتـب الخيــر لك ويـن
احيـان تكـره شـي ويصـير خيـره

.....

بعض البشر بأخلاقها تشبه الغيم
من وين ماتقبل تسوق البشاير

.....

لا يزعجك كثر حرصي لانك انت الوحيد
‏اللي المشاعر عليه تبيّن عتابها

‏اهم حاجه اشوفك طول عمرك سعيد
‏خل الجروح بخفوقي ينقفل بابها

‏انا احبك محبه والاكيد الاكيد
‏النفس مهما حصل ما تكره احبابها

.....

ما ابغاك تتعلق زياده بي وتبقى جانبي
ولا عليك الزام في قربي بصوره دايمه

مارس حياتك فوق حبي صح وافعل ماتبي
مادام قلبي بالثقه حبك ونفسي فاهمه

.....