فوق هام السحب ( الشعر الشعبي) على متن القوافي

ضايق ومستانس وراضي وزعلان
مدري وش اللي يجمع الكل فيني

احيان اجر الصوت مغرم وطربان
واحيان اجر الصوت وتهل عيني

.....

‏كنت أنصح اهل الهوى في كل ليل ونهار
‏وأثر الهوى من غرق فيه يغرق في بحر

‏كنّي مؤلف كتاب مُحارب الانتحار
‏اللي بعد ما انتهى من فلسفته أنتحر

......

الروح تحيا يوم تسمع بطاريك
‏ودنياي بـوجودك صارت هنيه

‏مثل المطر تحيي الشعوب المهاليك
‏تــروي القـلوب الظاميات الشقيه

.....

‏حمرة شفاياها مناقع زعفران
‏أبطت مراويح السحاب تكدها

‏عينٍ رهاويه وعنقٍ صولجان
‏وزينٍ يخلي كل عين تودها

‏عجايب الدنيا لا سبع ولا ثمان
‏ثنتين في يمنى ويسرى خدها

.....

كل جرح فيك أحسه من نصيبي
‏البروده والقساوه والعنـــا

‏إن قسينا طيبتك تشكي لطيبي
‏وإن ضحكنا تضحك الدنيا لنـــا

.....

مانويت افتح قروب ولا نويت اغرّد
‏لين صبري في متاهات الهجر حللته

‏ياعسى الله يامر اللي بالحلا متفرّد
‏يدخل حسابي ويقرا كل بيت قلته

.....

‏حـبك نبت بالقلب والشـوق يسـقيه
مـثل الورود اللـي سـقتها الغـمامه

ياجـمل بشـر بالكـون واجـمل لياليه
واعذب بيوت الشعر واصدق كلامه

.....

‏بعض البشر اجمل من الشعر والبوح
واجـمل مـن الوان الرسـم والمعاني

بعض البشـر ترد في نبضك الروح
مـن تبتسـم لك يبتـدى عمـر ثانـي

.....

مكانِتـك ما زادهـا المدح مقيـاس
ولا يقـلـل شـانهـا منتـقـدهـا

أنت اللي تحدد مقامك مع الناس
من وين ما حطيت نفسك تجدها

.....

ياذا القمر قامت تغير مساريك
‏يا بطي مطلاعك وياسرع مسراك

‏طفت النجوم اللي من اول تباريك
‏ما شفت نجماً بان قبلك وخاواك

‏قبل امس اعد الليالي واراعيك
‏واليوم عني نازح البعد خفاك

خلف بن هذال