فوق هام السحب ( الشعر الشعبي) على متن القوافي

‏والله ما أغلي رخيص ولا أرخص غالي
‏الطيّب أغليه والمغشوش ما أسومه

.....

ودي تقهوينـــي وأشبع من سواليــفك
ويــمضي بي الوقت ماهـزيت فنجالك

تـقدح حروفي غلا وأقصد على كيفـك
وأجيـب كـل الطروق اللي على بالـــك

.....

تولعت في غروٍ عن الغيد شكله غير
ما ياصف جماله حبكة البيت والفكره

خذا من الظبي عنقٍ طويل ومن الطير
عيون العديم اللي مفرع على وكره

.....

تستانس الروح لاجتني مراسيلك
والنفس ترتاح يا نبـض الغلا كله

والقلب يافرحته لحظة مواصيلك
ينسا التعب والوجع والضيق والعله

.....

وانا من غيرتي حتى الهوى لا تعداك
اقول وش تبي يالهوى فِي حلالي

محمد بن فطيس

‏لا تذخرون الناس لليوم الأسود
‏بعض الأوادم حدّها بيض الأيام

.....

‏تبرّت طيوفهم منهم و راحت معي
‏لله در الطيوف أوفى من أصحابها

.....

من رخصني ما ربح غير ابتعادي
‏ومن ربحني لو يبي عيوني عطيته

.....

طبطب على كتفي واخذني بالاحضان
واسألني شلونك ولو كذب عادي

ترى الكلام الحلو في بعض الاحيان
يخلّي الاحلام بين الايادي

انا بحاجة صوت هادي وحنان
سولف عن الحنان وبصوت هادي

وساعدني ألقى فيك راحه وسلوان
تراني بوادي وقلبي بوادي

.....

ماني أقل وماني أزود من الناس
‏ولا احدٍ يشابهني ولا أشبه لغيري

.....