اخترنا لكم

‏يا كثركم يا جعلكم ما تكثرون
‏ياهل الهروج اللي مامنها فايده

‏وقت العوافي تذبحون وتصلخون
‏ووقت القسى ماتنطحون الكايده

.....

‏لولا الدلال وشبة النار و الكيف
‏والعود الازرق والكرم والطناخه

‏وكلمة هلا واقلط على العز ياضيف
‏ما كان بيت الطيب يعرف مناخه

.....

‏أتغيشم لك وأنا ماني غشيم
والخطا مردود والزلّه بلاش

النقاش أحيان موضوعه عقيم
لا تلوم اللي قفل باب النقاش

.....

‏لي صاحبٍ في تالي الوقت خيّب
وقام يتعمّد بالردى ويتحدى

وصار البعيد اللي من أول قريّب
من بعد ما كان الرفيق المبدى

كنت أفقده لو راح عني وغيّب
وكان الرفيق اللي له القدر جدا

ماني بقايل صاحبي كان طيّب
لو كان طيّب صاحبي ما تردى

.....

انا الغايب الي كان بين العرب موجود
‏رفيق السهر لين السهر مل من عينه

‏تعبت من الدنيا ولا لي وراها زود
‏وانا من نشدني قلت له كلها زينه

.....

على الوفا عشنا ولاملنا مع الايام
عسى الله مع الاجواد دايم يجملنا

نساير ضروف الوقت ونسوقها قدام
على العز مبدانا وحنا ما تمايلنا

.....

‏النفس طيـر وطاعة الـرب روضه
‏ونفسٍ تفـوز بطـاعة الله حظيظه

‏والادمـي لاطاع واكمـل فـروضه
‏تطيب نفسه كان نفــسه مريضه

.....

جمايلك لا تدري بها الناس مهما كان
‏حلات الجمايل بين الاضلاع منكنه

‏ترى موتها هرجك على فلان ولا فلان
‏يموت الجميل اللي يجي عقبه المنه

.....

يا كم ذكرى نعيش ومانسيناها
‏انا بالذات من اللي جاي تسرقني

‏حنيني للديار اللي تركناها
‏رغم هذي المسافه ما يفارقني

.....

‏سامرت طيفك على ضوٍ تواقد سناه
‏وثنتين لا جات مع طاريك يازينها

‏النار ملح الشتا والبرد ملح الحياه
‏وأنتي حياة القلوب اللي تمرينها

.....