فوق هام السحب ( الشعر الشعبي) على متن القوافي

طاح من عيني ولاعاد يشقيني رضاه
‏جعّل من خان الأجاويد ياقع في نكد

.....

ياليل ماودك نجر المواويل
نزف من علو المواجع قدرنا

أفـج لك صـدر الأماني تعالـيل
وإليا ضوانا الصبح ننسى قدرنا

.....

ياما على شانك نويت المطاريش
وياما تبعتِك شرق والناس قبله

.....

الشعر مصباح الحكم والعواطف
والقاف يرقى بالنفوس النقيه

والنفس تكسرها ردود المواقف
لو قابلت بعض الفعول الرديه

أصبحت مع بعض المخاليق والف
اعرف معادنهم ولو هي خفيه

ياكثرهم وقت الرخا والسوالف
وياقلهم وقت الوفا والحميه

.....

مرحوم ياللي كل ماجيت برثيه
‏عجزت اعبر بالحكي والكتابه

‏اللي خذاه الموت ماني بناسيه
‏وعقبه تجرعت الحزن والكأبه

‏الفقد موجع والقدر راضيّن فيه
‏والدمع يذرف مثل وبل السحابه

‏يالله ياللي نلتجي به وندعيه
‏تغفر ذنوبه ثم تسقي ترابه

.....

تحزّمت في بيض النوايا وطيب يدي
‏من أول بدايات الزمان لا نهاياته

.....

تحت الثرى ميّت وفي قلبي حيّ
يالله عسى الجنة مقرّك وملقاك

.....

يازين السعه والبعد عن قوم قال وقيل
وعن اللي لسانه يمنع الناس من قربه

.....

أرفق ترى النفس العزيزه عيوفه
‏ماكل عذرٍ تقبله منك لا أخطيت

.....

عسى الله يجمّلني مع العالم الوافين
‏ربوع السعد والخير والطيب والخوه

.....