فوق هام السحب ( الشعر الشعبي) على متن القوافي

‏وشلون احرر ما بصدري من زحام
‏وانا عجزت اخذ من الضيّقة نسم

.....

جو الشتاء دايم يجيب السعاده
‏يومه جميل من اوله لين تاليه

.....

ترى السنين اللي تروح أغلب لياليها هدوء
مغلّفه بالكلمة الزينة والوجه السعيد

.....

تمنيت لو عطري من الجاعد المنثور
‏ومن خدها قوتي ومن ريقها خمري

‏على جيدها لو ذاب سلسالها معذور
‏انا يوم ماكتب فيه الاشعار وش عذري

‏تقول انت شاعر قلت للفاترات الحور
‏تقول انت عاشق قلت لمعنق العفري

‏انا والقصيد وقلبي المنهي المأمور
‏فدا قالت انت انسان مجنون قلت ادري

.....

متفرده ف عالم كله أشباه
مترفعه مثل الجبال المنيفه

متسلسله من منسب العز والجاه
متباهيه مثل السيووف الرهيبه

.....

لاتنتظر رد الجمايل والارباح
ولاتلتفت في طيبك الي صنعته

الطيب بوجيه الكريمين ماراح
والا الردي ماينفعك لو نفعته

.....

‏يا بعد من مرّ في بالي النسّاي وبصدري نزل
كنّ القصيد إن ما لمح وجهك يعيش نهايته

.....

ذكريات أول محبه وحزن أول فراق
‏مستحيل تصير فوق الرفوف المهمله

.....

لايهمك وصدري درعك الواقي
من ضروف الزمن ماتوصلك ضربه

في عيوني محلك داخل أحداقي
بحفظك ماطلبته جاك وابشر به

طاب لك شفت ذوقك ناسب أذواقي
تحت أمرك بماتنهي وتأمر به

شفت ماطاب لك بامكانك إحراقي
أحكم أعدام في قلبي وعزر به

خذ قرارك إذا ناوي على افراقي
رح بدربك وغيرك حر في دربه

لا تفكر على الله اترك الباقي
كل غدار رب الكون يغدر به

وضعنا اليوم كله كذب ونفاقي
كل من حب أصبح ناوي الهربه

.....

لا غـيب الله في سـمانا ظـهورك
يا اجمل حقيقه لاكتمال الشهور

يكفي ظهورك بالسما عن حظورك
تانس بك الدنياء وبطـــل غرور

انت القمر والكون محتاج نورك
ليش تحتجب يا بدر كل البدور

خلقك لحكمة في مدارك ودورك
حكمة من الله يا انيق الظـهور

.....