فوق هام السحب ( الشعر الشعبي) على متن القوافي

واقسم بمن سواك ماجيت اراضيك
إلا لحـزنـك قـلت أكسر غروري

ودي تروح والقسم ما اقاضـيك
وخلك قوي لا تنكسر في مروري

ان جيت لجل الطيب اترك تغاضيك
ون رحت بعدك من دواعي سروري

.....

ياغايب عن عيوني خاطري يطريك
في كل لحظة عيونك كيف بانساها

لو غبت ماغاب طيفك عني وطاريك
كنك معي في خفايا الروح واقصاها

.....

‏ياروح روحــــــي لا تخليني اشتــاق
ما من ورا الاشـــواق غيـر المتاعب

يكفي فديتــك قهـــر قلبي وماذاق
من كثـر هجـرك يا اعـــز الحبايب

ياروح روحي الجفاء صعـب ينطاق
بُعد الغوالي يجعــل القلب ذايب

وانا ورب البيـت ذايــب بالاشواق
وشوقي مسوي وسط قلبي لهايب

.....

يامنوه الروح يوم ان الحشا ظمك
تلي حشى القلب تل ورزي القامه

وَيَا فتنة الغيد يوم ان الغلا زمك
سمي على القلب من خلفه وقدامه

.....

‏أقبلي يمي ولا لك سوى حسن القبال
‏غير ترديد التراحيب ما أنتي لاقيه

‏مرحبا والساعة اللي تجيبك راس مال
‏في دقايقها نعيم القلوب الشاقيه

‏ليلة جادت بوصلك بعد شح الليال
‏ليلةٍ ماهيب مثل الليال الباقيه

.....

جفّت الأرض منك وكل وادي سألك
‏ومابقى لك ربيع فصدري ولا وسم

‏يوم أداري شعورك من رضاك لزعلك
‏كان في خاطري غصة وكنت أبتسم

‏ليه أخليك لحساسي وهو ما وصلك
‏ما لتايه ظنوني فيك غير الحسم

‏كنت أحبك وأحب أرضك وناسك وأهلك
‏وصرت حتى أكره أشباهك ملامح وأسمه

.....

‏تعالي لا طغى حزنك وعن شمسه بغيتي في
‏تذري في ذرا من هو يحب ويعشق ترابك

‏ولا تشكين من جور الليالي دام راسي حي
‏ما عاش اللي يكدر خاطرك وينرفز أعصابك

‏وأنا لا انهارت الدنيا في عينك شلتها بيّدي
‏وناديني وتلقيني معاك أقرب من ثيابك

‏تجين بليلةٍ وجهك على حالك سماها ضي
‏وتزهين المكان اللي تجينه قبل يزهى بك

‏ولا ينشاف هالعالم ولا ناسه في عيني شي
‏وأنا لي موطن ومنفى تضمّه ناعس أهدابك

.....

‏عندي يقين إن الليالي المقبله ماهيب سود
‏انقى من قنوف السـحاب الي تلوح بروقـها

.....

‏مدري عشان اني احبك واغليك
‏ولا عشان الغلاء من سماتي

‏ما قول غير الله من الخلق يحميك
‏يا أغلى غلاء مر بكياني وذاتي

.....

‏حتى لو ان الغلا فيني وصل حده
‏لي عقل يدرك حدود الشوق ويكابر

‏قياس عمق الجروح يحدد المده
‏مدة تحولك من غالي إلى عابر

‏لاشفت مركب غلاي رياحك تضده
‏بيصير مالك مكان وقيمة ودابر

‏كسرت لك خاطر ومديت لك صده
‏والخاطر إليا انكسر ماعاد له جابر

.....