فوق هام السحب ( الشعر الشعبي) على متن القوافي

‏نخطي ونستغفرمن الذنب ونتوب
‏ونرجع على نفس الخطاء مادرينا

‏يارب يامن رد يوسف ليعقوب
‏عفوك وغفرانك وسترك علينا

‏آمين

مانويت اطاوع القلب لو انه رزين
‏انت غالي بس الايام ملعونة جدف

‏رغم حوم الشك حولي بقى عندي يقين
‏لو تفرقنا الليالي بتجمعنا الصدف

.....

عز الله اني ظلمت اسمي وميقافي
واخطيت في حق نفسي والخطا وارد

هقيت فيك الهقاوي وانت يا كافي
ما ابرد من عذرك الا وجهك البارد

.....

نطرد سراب احلامنا والله يعين
‏يامصعب الدنيا وماقسى جورها

‏يمكن نحقق مانبي لو بعد حين
‏ويمكن نموت ولا قطفنا زهورها

.....

لا يخدعك فالشخص دقّه وجلّه
‏حتى تجرّب معدنه والدهَر صَلْف

‏اللاش لاشٍ عند كثره وقلّه
‏نفس الوجه بالزلف والا بلا زِلْف

‏لا صار سيفك في الوغى ما تسلّه
‏اهْده على قرمٍ وخُذ لك عصا قِلْف

السِرّ حطّه عند واحد وخلّه
‏والشور شاور من زحول الرجال اْلف

‏طيب الفتى لا صار ما هو جبلّه
‏ما هو مطوّل وان تقدّم رجع خَلف

ناصر الفراعنة

تخفي هيامك وأنت ميت وملتاع
ما تدري أنه في ملامحك منحوت

بن فطيس

من لا يثمن فالمجالس كلامه
يطيح فيمن يصمخه لين يعميه

ناصر الفراعنة

اقعد واسولف مع العربان واكابر
‏وأحاول أخفي دموع الحزن وجروحي

‏وأقول عادي وأنا اللي داري و خابر
‏إن البلا لاسريت وقدني بروحي

.....

ليت الغرابيل جتني من عدوّ لي
‏اما تقاضيت ولا بيتقاضى لي

‏لكن من واحدٍ ذكره غناةٍ لي
‏ولا زلت أحبه وابا أحبه ولا ابالي

‏لامر طرق بخدراته سلامّ لي
‏كنه يسلم علي بصوته العالي

‏خلوني اسج عن موضوعه احسن لي
‏والا الغلا والله ان يبطي وهو غالي

سعد بن جدلان رحمه الله

قدّم معاريضك لرب السماوات
‏وإن طعت شوري خل عنك البرية

‏صل الوتر بالليل واقرأ لك آيات
‏وارفع يدينك له وتلقى العطية

.....