فوق هام السحب ( الشعر الشعبي) على متن القوافي

‏تعال حل المساء دام المساء حل
‏تحلا بك الجلسه ويحلا بك الجو
‏
‏غيابك اللي طال مالك معه حل
‏غيرك يجوني بس ما كنهم جو

.....

‏انا الليلة غريب ردته من غربته الاقدار
‏على دار يشوف اللوم حتى في شوارعها

.....

روسٍ خلقها الله لنوم المخده
‏وروسٍ خلقها الله ليوم العزاوي

.....

هي بنت شيخٍ معاريفه يسار ويمين
مالينت راسه الدنيا وصكاتهـا

اليا تعزوت براسه روع الصاملين
لو تطلبه عروش كسرى جاتها جاتها

متيهه في ذرى اللي يحتمون العرين
العزوه اللي تدك الضلع غاراتــها

لا جا الفخر والسوالف صرّت الحاجبين
واسترسلت بالكلام وفي غزواتها

.....

انا البارحه يا حمود عيني جفاها النوم
سبب واحدن يا حمود ماف العرب زيه

لا هب طاريها علي العاشق المحروم
اغاني بيوت الشعر واسمر طواريه

علي اللي نهب قلبي وصدر علي المرسوم
وطبق علي الحكم لا رحم ابو حيه

.....

غديرٍ عليه الناس صادر وورّادي
اعيفه لو أنه من زلال المطر يسقى
ِ
أنا غايتي ومناي ودواي ومرادي
مذاقٍ على غيري صعيب ولا يلقى

.....

يا قايد الريم فيك اوصاف من خلي
‏العنق و عيونه عين شيهانه

‏غروٍ دعاني غلاه وجيت له كلي
‏مثل قطيعٍ على الحيضان ضميانه

‏غلاه حش الضلوع وتلني تلي
‏تلت سبوق الوحش لرخا بجنحانه

.....

معي قلب لا هبت عليه الهبوب يحنّ
‏يا ويل القلوب القاسيه من عذاب الله

.....

‏استريحيى يا عيـوني واستكنّي
مابـه الا ما كتبه الله علينا

لو نحصّل ما نحبه بالتمنّي
كان كل اللي نحبه في يدينا

.....

بك ملامح نجد لكن بشرتك شامية
‏ما بعد مرك سموم الصيف فالصماني

.....