فوق هام السحب ( الشعر الشعبي) على متن القوافي

‏يآ حظ من يدعي له الناس بالخير
كاسب قلوب الناس من فعل طيبه

فـي كل قلـبٍ لـه معـزة وتقـدير
وطـاريه عـند الناس كلن يـجيـبه

.....

‏لا تنتظر من ناقص العقل حكمه
ولا تنتظر من فاقد المرجله خير

ولا يغرك فالردي لمعة إسمه
الريش ما طيّر نعامه وهي طير

.....

ليا سجو العالم مع الوقت ما سجّيت
خذيت الطريق اللي فجوجه تسليني

.....

‏اصد عن زلة قريب الجماعه
مانيب سيفٍ يضرب كتوف راعيه

والا الشجاعه مانقصنا شجاعه
لكن ترا الدنيا سلوم ومشاريه

.....

يا ليتنا نجـرح مثل باقـي الناس
ونكسر خواطر من كسرنا ونقسى

لكننا مــن كثر ما نملك احساس
نجبـر خواطر مــن كسرنا وننسى

.....

الجو رايق والسماء ممتلي غيم
‏ والنفس فيها من الاماني كثيـره

‏ الجو غيم ومنظره يشرح البـال
‏ تنسى الهموم وتبتسم دون سبه

.....

هذا محلك وابتدى معك مشـوار
‏على الوفا والطيب تكتب سطوره
‏
‏من الفرح رحبت بك نثر واشعار
‏يامرحبا باللي يشرف حظـوره

.....

‏سبحان من ميزك عن كل مزيون
وسواك من دون المخاليق فتان

مبسم يخلي صاحي العقل مجنون
وخد كما ورد نبت وسط بستان

.....

ياقلب لاتظهـــر خوافيك للنــــاس
يكفيك من يعلم جميع الخــــوافي

عيش الأمل لو كنت غرقان بالياس
ياكم بلوى جت بعدها عـــــــوافي

.....

من همل الطير ما عود على راعيه
يستاهل الضيق من فرط بشيهانه

.....