فوق هام السحب ( الشعر الشعبي) على متن القوافي

حبك مزاجي لا طرالك تشفقت
وانا على ما قيل ضد المزاجي

ما ارجي وصالك مير ليتك توفقت
واخترت درباً ما بها ايا انعواجي

حابس العطوي

ماني وانا حابس بعوقاً ولد عوق
انا حفيد متعّبين النجيبه

ارفع مقامي عن هل الغي والبوق
واطلق احصاني في رياضاً رحيبه

وصح الله لساني على الذرب والذوق
و عن الردى والفحش ما يلتويبه

نطقه عن اعراض البشر مرتفع فوق
ما هو براعي عذربه في صحيبه

حابس العطوي

عمر الهوى عشته بحكمه
طبقتها فعل مختصي

حافظ على القلب من دكمه
قامت تعاقب و ترتصي

وهرجاً يجي بصاحبك اكمه
لا بد من يوم يقتصي


و لو الزعل طاول بعكمه
ساعة غضب كون ممتصي

حابس العطوي

ياللي خذيت القلب مني هديه
امانتك قلبي معك لا تخليه

اهيم واسرح و النوايا مطيه
واشرب قراح المي من نبع صافيه

واعشق دروب العز هي والحميه
وابعد عن رخوم الرجال المسافيه

ابوسعود

يا اخر الليل عطني العلم من بدري
‏وش انت ناوي ترجع لي من الذكرى

‏ان كانها حزن ف أنا ممتلي صدري
‏وأن كانها خير يمكن ضيقتي تبرى

.....

‏مال الطناخه غير روس المطانيخ
الي سلوم اجدادهم مانسوها

ولا كل راعي بشت شيخ ولد شيخ
تالي الزمن حتى الرخوم لبسوها

متعب بن كروز

‏مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه

.....

أحذر تخاوي من هو بالوجه رجال
خاو اللي لا طحت تفداك عينه

السيف وهو سيف أنواع وأشكال
سيفٍ شطير وسيف بالبيت زينه

.....

هذا جزانا نطيب ومالنا منه
يناظر الرجل أبوه وينسخ فعوله

أتعبني أبوي جعل أبوي في الجنه
ماجيت نصفه ولا ربعه ولا حوله

.....

وقت الرخا كلٍ يسولف عن الطيب
وان صكت الايام مامن صمايل

عليك باللي في وقوفه مكاسيب
يغنيك عن كثر الحكي بالفعايل

.....