ديوان قصائد لشعراء المملكة العربية السعودية (متجدد)☘️☘️

فالذاكرة ياما وياما من الناس


فالذاكرة ياما وياما من الناس


ظلّت ملامحهم رهينة وراحوا
البعض كان أجمل تفاصيل وإحساس


والأغلبيّة ريّحوا وإستراحوا

نواف التركي

ماغرّد القمري ولا ناحت الورق


ماغرّد القمري ولا ناحت الورق


ولا لاح غيم ولا تبدّت سحابة
والمبعد اللي بينه وبينهم فرق


لليوم يحطب في ضلوعي غيابه

نواف التركي

نتابني ضيق وأخذ ضيقتي وأشرف


نتابني ضيق وأخذ ضيقتي وأشرف


وأروح ما كنّي إلاّ الهارب الخايف
أجنّب الجاهل الفاضي وما يهرف


صوتّي خويّي براس العالي النايف
وتقول سلمى تراك بغيبتك تسرف


وأقول يمكن كرهت وخاطري عايف
أحيان جهلك نعيم ونقمتك تعرف


أصغر تفاصيل هذا العالم الزايف
لو واقع الناس مثل كتابة الأحرف


ماكان ذيب الظروف يمرّني حايف
شوفيني الشاعر اللي من بحر يغرف


محصلّة ما غويت بعمري الطايف

نواف التركي

ماعذرتك


ماعذرتك..أنت قلت بنفترق وآنا إنتظرتك..وكلّ يوم أقول بكره..وكل تنهيدة غياب بصدري لعيونك شعر..كنّي لأنفاسي نذرتك..ماعذرتكوإنتظرتك..مثل نبتة شوق تتحرّى مطر..مثل بكرة وكلّ بكرة ولا تمرّ..آخ لو تعرف شعورالشاعر إن جفّ وذبل..مازعل قلبي عليك ..وماعذرتك
نواف التركي

ما للطواريق عقب غيابي الطارق


ما للطواريق عقب غيابي الطارق


ياللي تكاثرت صوتي يوم غنّيته
أنا على كلّ حال بضيقي مفارق


عابر طغى الوجد في صدري وغنّيته
أنا خويّ الحنين المورق الفارق


لا ضيّقوا صدره الأشباه لبّيته
جيتك من ال لازمان أسوق لي بارق


لقيت لي ليل ميّت قلب وأحييته

نواف التركي

اللي بقول الله يوفقك للخير


اللي بقول الله يوفقك للخير


مسموح خذ روحك لروحك وفارق
مافيك زود ولا أنت نادر ولا غير


عادي وخليتك بالاحساس فارق

نواف التركي

في ليلة الوحدة بذرت المواويل


في ليلة الوحدة بذرت المواويل


وزرعت لك صدري من الجال للجال
تعال وآقطف بسمتي قبل هالليل


يعثى جراد هجوسه بضحكة البال

نواف التركي

ناديت ياما تعال بينهمر مزني


ناديت ياما تعال بينهمر مزني


وياما تعال إرجعت بالحزن محتفله
لا صرت آصوّت ويرجع لي صدى حزني


بضمّ قلبي على صدري وآسولف له

نواف التركي

الضحكة اللي تبي تصدق وهي تكذب


الضحكة اللي تبي تصدق وهي تكذب


عجزت من البارح ترفرف على شفاهي
مازلت أنا الفارق، المتفرد، الأعذب


مهما عثوا في بيادر حزني أشباهي

نواف التركي

صرت أتابع بصمت وطول بال وصبر


صرت أتابع بصمت وطول بال وصبر


فضّة الناس في موسم كساد الذّهب
أستريحي ورى صدري زمانٍ غبر


لا تويقين ياخذ ما حصدت المهبّ

نواف التركي