فوق هام السحب ( الشعر الشعبي) على متن القوافي

تعيش ياراسي وتفداك الأنذال
ومن لاحسب لك لاتحسب حسابه

كم واحدًنحسبه محزم ورجال
يوم أحتمى الميقاف ماينغزا به

الله يجيب الصدق ياوسعة البال
ندمح خطا الأصحاب ولا القرابه

حنا نحشم رجال من حشمة رجال
والصبر ينفذ والزلابه زلابه

يعني على ماقيل من ضمن الأمثال
ان لم تكن ذئبا كلتك الذيابه

.....

والله ان وجيهنا فيها حيا
نستحي واثر الحيا صاير قليل

مير حنا مانعيش الا اغنيا
ولا نموت الا على العلم الجميل

واثقين ولادخل فينا ريا
وان زرعنا طيب ماندور حصيل

انقيا ونعيش ونموت انقيا
ولا لنا غير الله الوالي وكيل

.....

الأرض لولا رحمة الله والله انها ما تزين
الحمد له والشكر له على عطاه السرمدي

والناس فوق الارض يا ناسين يا متذكًرين
اللي بخير اللي يعرف التايه من المقتدي

ترى الردي يستر عليه الله في دنياه لين
يحارب الطيّب ويدرون الرجال انه ردي

.....

ان كان تبغى الله بلطفه يقديك
خلك مع المولى ويا خير هادي

يالعبد لك رباً عن ألناس يغنيك
اطلب عظيم الشان رب العبادي

اسجد لرزاق الخلايق ويكفيك
يكفيك في يوم اللقا والتنادي

.....

انا مع العز لي سيره و حبل وثيق
وثيابي اللي علي طولي وانا طولها

ماقلت تكفى لحد حتى وانا مستضيق
من خوف لايحسب اني دايم اقولها

.....

لا ينحني راسـك و تـرخـص مقـا مك
ما دام ها الدنـيا من تـراب لـتراب

خل العلوم الطيـبه دوم امامـك
و خـلك وفين بالقرايب والاصحاب

و لا تــنـظـر لهرج المهابيل دامـك
مع النعم و الزود يحسب لك احساب

والـوقت كـانـه دار والـهـرج ضـامك
ما يـجرح الاجـواد يـا كـود الانـذال

.....

ياصاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

.....

يا صاحبي والناس فيها وفيها
ومن يبذل المعروف لابد يلقاه

لا تعطي الحاجه و تسأل عليها
كف الكريم ليا عطت شي تنساه

.....

يا الله يلي تعز العبد وتذله
اغفر اذنوبي ليا ضاقت بي أعمالي

احيان نخطي زعل وأحيان من زله
ونرجع ونستغفرك ونتوب طوالي

آمين

ليا صار لـك قـدره على نـفـعـة المحتاج
لا تـذخـر عساها لـك مـن الـذنـب كفاره

لـولا حـاجـتـه مـا وقـف بماقـف الاحراج
ولا قــام يـكـشـف لــك خفايـاه واسـراره

.....