فوق هام السحب ( الشعر الشعبي) على متن القوافي

قلت الغلا تاجك و قالت فديتك
قلت الحشا بيتك و قالت سكنته

ضيعت قلبي بين عشقك و بيتك
حتى الغزل لا من لمحتك سجنته


......

‏العافية والستر ، مع راحة البال
هذي الثلاث ، اعدها راس مالي

ياللي تقول الغالي اشريه بالمال
اللي يجي بالمال ، ماهوب غالي


......

‏حمدتك على خير وحمدتك على مكروه
‏وسبحانك اللي لا ألتجى عبدك، أنصفته

‏أجي لك بوجهٍ ساير الناس ما شافوه
‏على شان وجهٍ ساير الناس عارفته


......

ياكثر ماشابت مع الوقت والاحلام
وياكثر ماخابت مع الناس هقوه

لكن على الله..... يا صواديف الأيـام
بكره يطيب الجو.... ويطيب جوه


......

‏ﺗﺪﺭﻱ .. ﻭﺵ ﺍﻟﻠﻲ ﻳﺬﺑﺢ ﺍﻟﻮﺭﺩ ﺑﺪﺭﻱ ؟
ﻻ‌ﻣﻦ ﺯﺭﻋﺘﻪ ﺑـ ﺍﺭﺽ ﻣﺎﻫﻲ ﺑـ ﺍﺭﺍﺿﻴﻪ

ﻭﺗﺪﺭﻱ ﻭﺵ ﺍﻟﻠﻲ ﻳﺤﺰﻥ ﺍﻟﻘﻠﺐ .ﺗﺪﺭﻱ
ﻗﻠﺐٍ ( ﻳﺬﻭﻕ ﺍﻟﻤﺮ )..ﻣﻦ ﻛﻒ تغليه


......

ما نشدت الشمس عن حزن الغياب
‏ علّمتنا الشمس نرضى بالرحيل

‏

‏ ‌الامير بدر بن عبدالمحسن⁩

‏لابدّها يا سعود بتغيب شمسي
‏ذي سنةٍ رب الخلايق فرضها

‏و لعلها حريتي بعد حبسي
‏و لعلي ألقى عند ربي عوضها

‏
‏‌ الامير بدر بن عبدالمحسن⁩

‏لـو نجازي كل غلطـه بـ الزعـل
مـا بقى معنـا من الرفقه رفيق

بس نتجاهل عن المخطي لعل
يدرك الغالي ويرجع لـ الطريق



......

‏عسى تالي الايام للصابرين إفراج
ويالله على من ضاق صدره تفرجها

انا ماني لغير الله بفزعته ..محتاج
هواللي خلق خلقه ويقضي حوايجها


......

روحي بلاش من السوالف والأعذار
خليني أنسى حبنا وأعذريني

ضاعت أمانينا ودار الهوى دار
وهبت هبوب البعد بينك وبيني

تتجدد الأيام والوقت غدّار
وتعلّمي من مقبلات السنيني

كان الهوى جنّة وصار الهوى نار
نار الفراق تعذّب العاشقيني

كنّا نعيش بجوّ أفراح وأسرار
مانستمع لـ كلمة الحاسديني

واليوم صارت قصة الحب تذكار
يفرح بها القلب الرقيق الحزيني

كتبت من أجلك حسينات الأشعار
آخر قصيدة قلت فيها اذكريني

روحي بلاش من السوالف والأعذار
خليني أنسى حبنا وأعذريني



حمود البغيلي