اخترنا لكم

حسن النوايا في زمنّا ولا شيء
‏مذموم لو تعطي الخلايق عيونك

.....

ماجيت احبك حب مثل المحبين
جيتك غلا بحساس قلبي يوده

اهديك روحي بالغلا ومحجر العين
أبني غلاك بقصر ماحد يهده

وافرش لك بالصدر ورد ورياحيين
واسقيك من نبع الحنان الموده

واكتب قصيد الحب فيك بقوانين
دستور ما غيرك بشر يستمده

‏يبرق غلاك وسط قلبي مثل الماس
ويشـع نوره فوق الارض وفضاها

ميزتك في وسط قلبي بالإحساس
وبعض المشاعر صعب يوصف مداها

.....

‏يا صباح الخير والدنيا عوافي
‏ابتسم وابدا صباحك وأنت رايق
‏
دامها تشرق ودام الجو صافي
‏أذكر الله واشكره لو كنت ضايق

.....

‏سـلام مثل الغيث تحيا بـه القاع
‏يحيي قلوبن مـا تـحـب القطيعه

‏قـلـوب تربطها الاخـوه بالاجماع
‏تتبادل المعروف فـوق الوسيعه

.....

يا الله بفضلٍ منك يغني على خير
‏ما يحني الهامه ولا يرخص الوجه

.....

مساء الامل بالله والخير والتوفيق
مساء الظنون الطيبه بالقدر كله

ترا الابتسامه والبشاشه تفك الضيق
تبسم وقل هالابتسامه لوجه الله

.....

الصداقه والمعزه وقرب الطيبين
والوفاء والجيره وغيرها حب الخوي

والكرم والبر وحب الوالدين
مكسبي ما دام قلبي على الدنيا قوي

.....

‏بيني وبين الحب رمـــــز وإشارات
افهم حروفه قبـــــل يفهم حروفي

يكتب لي الكلمه ويتـــــرك فراغات
واترجم المقصود فـي وسط جوفي

وإن غاب عن عيني تجيني علامات
ويزيد نبض القلب من كثر خــــوفي

.....

‏خلك بسـيط وحب للعـالـم الخـير
‏حبك لفعل الخير يعكس تواضعك
‏
‏وعلى كثر منت متواضع مع الغير
‏على كثر ما الله مع الناس يرفعك

.....

خذها كذا من شخص يتقن البوح
عندالعرب حيل الوفا حيل شايب

لاصار بين الناس مايكسر اللوح
إياك تمشي في دروب المعايب

واحرص على ماطاب ياطيب الفوح
خلك كما الأزهار بين العشايب

ياليت نصحى والتهاديل بالدوح
في كل صبح والفكك للصعايب

وانعيش يوم قبل الروح ما اتروح
فيه السعد يترك مشد الركايب

.....