فوق هام السحب ( الشعر الشعبي) على متن القوافي

‏ ‏بين الردا والطيب تصنيف للناس
‏يأخذ بها الآنسان تقرير سمعــه
‏
‏إما يجي مثل الذهب طيب الساس
‏والا كمـا القصدير ماغير لمـعــه

.....

ادري عيونك تراقب كـل ما اسـوي
واللي بقوله تطمن وآحسن النيه

مـافـي غيرك مـولع بالحشى ضوي
وانته عذاب الخفوق اللي لعب فيه

من بعد ما ربي على القلب ولاه
واجتاح قلبي واحتما فيه عنوه

انساه كيف انساه والقلب مأواه
وهو رفيق الدرب في كل خطوه

قلبي يقول اهواه واهواه واهواه
من بين كل الناس نقاه نقوه

ادمنت حبه وادمن القلب حلواه
لاهو معي مايعرف الطرف غفوه

هو دنيتي وانا حياته ودنياه
اقضي معه وقتي بفرحه ونشوه

خليت له قلبي بلاده ومنفاه
ولا احتمل من ساكن القلب جفوه

يبات يكتبنا هوانا ونقراه
ونردده في ظلمة الليل غنوه

عزفت له لحن السعاده وغناه
وكلما غنيت لحنه تأوه

سمع وترجم نبض قلبي ولباه
وانا أفهمه لوما بكلمه تفوه

اجمع خفايا قلبه أدناه واقصاه
يمكن من اعضاء جسمه اصبحت عضوه

عشقه لي ارواني وعشقي له ارواه
واحتل قلب آدم هوانا وحوه

مااطيبه عيشي بقربه وما اشهاه
وكل ماحولي بدونه مشوه


ابو المختار

انا نويت أرحل وعيّا عليّ الرحيل
‏يقول ما به وطن لأوجاعك إلاّ هنا

.....

من هو عرفكم صعب والله ينسى
وانا عرفت رجال تسوى قبايل

لكن ضرؤف الوقت بالحيل تقسى
مافرقت بين الكدش والاصايل

حابس العطوي

زود الغلاء في بعض الاحيان نقصان
اللي توده لا قسى الوقت ينساك

لكل شيٍ في هذا الوقت ميزان
لا تندفع ويضيع دينك ودنياك

.....

يالله بدعوّة من حدا والديني
‏ألقى اثرها في حياتي وانا حي

آمين

مـرنـي وهـيّــج أشـواقــي و حـنـيت
‏ماكنت أظن بعد هالعمر له طاري

كني بعده أحلم ومن شفته صحيت
‏نـفـض عـن ذكـراه مـابـه من غباري

.....

‏ليتك تعرف ان الهوى سهم ذباح
وقلوب عشاق المحبه رقيقه

وليتك تعرف اني ليا شفتك ارتاح
والقلب يسعد يوم يلقى رفيقه

.....

‏يقول خذنـي لك وأنا أقـول حياك
قلبـي وطن وضلوع صدري معابر

أنت تعـال وإعتق الشــوق بخطاك
كلي دفا وإحساس وأحلى مشاعر

.....

‏تهادت الشمس للمغرب ومال الظلال
‏وكل العصافير ضمتها غصون الشجر

‏وانا عيوني على ظلي وعندي سؤال
‏من يطوي الليل لين امسك صلاة الفجر

.....